Read berom Lɛlɛ 137 Bible Online

Lɛlɛ 137 - berom bible

Lɛlɛ 137

¹Bagat na nerɔt Babilɔn, wot a sangal e hwomo, wot a tosho e hwomo jeng de wot a bare na Siyɔn.

²E hwomo e batîn cɔ́gɔt, wot a gansa yōm mot.

³E hwomo bemat de ba re ot e como, bá simo wot ra a yɛn lɛlɛ, bemât tak a wot bá simo wot tɛ̀ ɛn be wok neta, bá tē: “Ra in a wot gwining e ji lɛlɛ̂ Siyɔn.”

⁴E rɛ de wot ê ra lwɛlɛ̂ Dagwi Darwey e vwel duk ɛ?

⁵Sede ma ye bam na hwo a Yɛrusalɛm, tik vwɔ yege hom gwo sɔ ɛ,

⁶Sede ma ye bam na hwo, tik me to tɔk ha wɛt, ka ma bare na Yɛrusalɛm e jeng de ma vɔk yey pyɛng na nzem wɛt!

⁷À Dagwi Darwey bare na BeƐdɔm jeng de ba di wɛng e ra Yɛrusalɛm, de ba ye, “Rùnus rɛ! Rùnus rɛ wɔ e retîs rɛ!”

⁸À Babilɔn, bê wey na hwo. Vemo de bê tala hwo pyɛ de hwà ra a wot, bê vɔk yey pyɛng.

⁹Wo yey pyɛng a womo de e hashe nèy mo nesɛl o, a fɔnɔt nɛ e ra beta!