Read berom Lɛlɛ 14 Bible Online

Lɛlɛ 14 - berom bible

Lɛlɛ 14

¹Lwɛlɛ̂ Davit. Gwá sè e vwɔ̂ mwât kyé na lɛlɛ. Betɔn be tē e yey mɛn, “Vit à Dagwi!” Mwa hɛn ba ga kyɛ́ ɛn vɔ, be ra tomong de ba sé byɛm-byɛm. Vit a hwak de e ra pyɛ́ de ya sé ryat.

²Dagwi Darwey e bɛrɛng bemasi yi e hwomo e lagwi, na a di, kɛ behak ba vɔk tɔk, na be jama, be tɔk ɛ.

³Ko mwa hɛn ba ga ye rɛng, mwa yɛn ba ga kyɛ́ ɛn vɔ, vit a hwak de e ra pyɛ́ de ya sé ryat, ko gwining!

⁴Dagwi Darwey e tē, “Bemât ragâs neves vemo mo bê masa pyɛ cak bɛ̀? Yɛn e hashe a bato mɛn pyɛ̂ bemat hom, ko yɛn e ra won vey na me wɛt.”

⁵Di, yɛn a rɔda sǎ e ji bengyip ding-ding, yaga Dagwi a sé tanga vemo de be wok ɛ.

⁶Vê ragâs neves be lashe pyɛ́ de bepɛng be yong na be ra, ko Dagwi Darwey yɛ wɛ a sé a bepɛng kwɔ̂n dal.

⁷Ma vɔk cwey, ka mwat hwak ê nusu yi e Siyɔn, na a bin sey BeIsrayɛl! À Dagwi Darwey, jeng de hwô to nɔ̂ng bemat mō wɛng, yére Yakɔp yê rɛ̌ na nzem, BeIsrayɛl mwa bê vɔk yey pyɛng.