Read berom Lɛlɛ 141 Bible Online

Lɛlɛ 141 - berom bible

Lɛlɛ 141

¹Lwɛlɛ̂ Davit À Dagwi Darwey, ma yila hwo, sɛlɛ me dey. Wet betong jeng de me yila hwo.

²Sey won hom, na hɛ sè sede nɔrɔ̂ pyɛ̂ nesang hyɔɔlɔl e nuyel mo, ná narâ vɔ hom sede narâ nɔrɔ̂ nawiri.

³À Dagwi Darwey, tɛ̀ me gyeng nu hom, dul bwɛrɛk nu hom.

⁴Hwo tik na me raa cwey pyɛ̂ rebek, me masa tomong ves tanga bemât râ neves wɛt, hwo tik me re pyɛ̂ nzem mɛn wɛt.

⁵Tik mwat rwat a tabak me, hane ha sé nerat, tik a gyong me, ha sé sede něy e rato hom. Won hom jojot ha sé e ra neves de be ragas.

⁶Jeng de bê barak bemât nuyel mɛn yi e beraku, yɛn ê wok neha hom yaga na ta.

⁷Sede cɔgɔt de ba vugus ba cɛrɛng yɛ, ano de ba shara bekup mot e nû kwɔ̂n bevuvwel.

⁸Ma sɛt bayis e ra hwo, à Dagwi Darwey, Darwey hom, ma tɛ̀ gap e ra hwo, hwo kwon tik na me ku wɛt.

⁹Dul me yi e besoro de ba ga rene yaga me, yi e besorô vê neves.

¹⁰Tik vê neves be hwo e besoro mɛn, ko me nju hom mé hywit me.