Read berom Lɛlɛ 142 Bible Online

Lɛlɛ 142 - berom bible

Lɛlɛ 142

¹Lwɛlɛ̂ Davit de gwo rɔgɔm. A ra gwɛ jeng de á sè e ji fwara. Gwa sé won. Ma ra won na gbɔng fwɔ vɔk na Dagwi Darwey; ma dak a yɛ gabɔk na a wok nemwishish hom.

²Ma vey a yɛ na mwa sesin hom, ma dura a yɛ bɔrɔk hom.

³Jeng de ma ga pat ɛ yey, a tɔk gwong hom. Vê repugu hom ba ga rene soro e gwông kweres hom.

⁴Ma doyo yege, ma doyo mwɛlɛng, vit a me na sa, vit a kwɔn de mê tele wɔ ɛ, vit a mwat de ê bɛrɛng me.

⁵À Dagwi Darwey, ma tosho a hwo, ma ye, “Hwà sé kwɔ̂n dal, na nu mo nang e vwêl vê neken.

⁶Wet betong na sesin hom, ba ga tɛt a me nerey. “Sey me yi e vê jamâ bol hom, ba dal me na gap.

⁷Viri me yi e lɔ̂ ngyang na me somo reza mo, vemo de ba sé cik e bayîs Dagwi bê gwɔrɔ me, hwô ra a me naka.”