Read berom Lɛlɛ 146 Bible Online

Lɛlɛ 146 - berom bible

Lɛlɛ 146

¹Somo hin Dagwi Darwey! À neken hom somo Dagwi Darwey.

²Mê somo Dagwi Darwey, gbak de ma sé kwen; mê ra a Dagwi hom lɛlɛ̂ somo gbak de ma sé kwen.

³Hwo tɛ̀ gap e ra nèy gwɔ̀m wɛt; kɛ mwasi de ê tɔk sey o wɛt.

⁴Jeng de e ku ê to ɛ fongol; tuk hane mo báre mɛ he tala hɛ.

⁵Wo yey pyɛng a womo de a vɔk Dagwi wo Yakɔp yaga sɛlɛ, de e sɛt yey e ra Dagwi Darwey, Dagwi mɛ;

⁶Womo de a yong jey na lagwi, berep na pyɛ̂ mwa de ya sé e ji vɛ, de e gyeng sira gbak-gbak;

⁷de e gas shɔt e tē a vemo de be tak a yɛn, de e nɔng pyɛ̂ re na vê vyong, Dagwi Darwey e tɛ̀ vê lɔ̂ ngyang washak,

⁸e wuma a bebók bayis, e ye cik à vemo de ba ga gaba, e tɛ̀ yey na vemo de ba sé cik e bayis mɛ.

⁹Dagwi Darwey e dul bekɛnɛt; e sɛlɛ bekuma na nehyɛn, e wey na begwong vê neves.

¹⁰Dagwi Darwey ê re negwɔm gbak-gbak, À Siyɔn, Dagwi mo ê re negwɔm e mwa nezamang. Somo Dagwi Darwey!