Read berom Lɛlɛ 15 Bible Online

Lɛlɛ 15 - berom bible

Lɛlɛ 15

¹Lwɛlɛ̂ Davit. À Dagwi Darwey, beva de hwo simo be yel e ji lɔ mō ɛ? Beva de hwó simo be sangal e ra raku de hwà tik jaram yaga hwo arɛt?

²Yɛn vɛ de ba sila gyat, be ragas pyɛ́ de ya sé cik, be bare, bé ha tsak o zɔng.

³Be bere neha bɔs e ra bemɛn wɛt. Be ragas a bemɛn pyɛ́ vyes, kɛ be dùsa hɛn wɛt.

⁴Be byɛs vemo de pyɛ cak Dagwi ya sé na yɛn wɛt, ko be nɔ̂ng vemo de be sap Dagwi Darwey nerey. Be sila ha mɛn kayɛ jeng, ka a ka sé pyɛ de yê rot ɛn ayi.

⁵Jeng de be nɔ̂ng bemât jamâ hwɔpɔ dyām, bê jama ɛ ndi wɛt. Ko be sey dyâm bâng nu, na be nɔng nuhâ bɔs, e ra mwat nà nɛn wɛt. Bemat de be ra pyɛ́ yemo, yɛn e tumal gak kayɛ jeng.