Read berom Lɛlɛ 16 Bible Online

Lɛlɛ 16 - berom bible

Lɛlɛ 16

¹Lwɛlɛ̂ Davit. À Dagwi, ma sé jama kwɔ̂n dal na hwo, sey me.

²Ma yang o, “E hwo wɛ, à Darwey hom, kayɛ pyɛ ryat de ma vɔk ya yi na hwo.”

³Yey hom ye pɛngɛ na bemât Dagwi e vwel o. Ba vɔk reto, ko ma tɛ̀ yey hom mwa na yɛn.

⁴Ko vemo de be sap cī mo,[5] be hwɔtɔ a bato mɛn yɔ́m, Yaga ano, mê to me wɔ na nenɔrɔ̂ nemi na yɛ wɛt, mê ka tɛ̀ baza yɛ e nu hom wɛt arɔng.

⁵Hwo à Dagwi Darwey, hwà sé nwang sede nàp hom. Hwó nɔngɔs me mwa pyɛ́ de me simo. Neken hom na sé e vwɔ mō.

⁶Hwà ga nɔng me bak de wa sé rwat o. Pyɛ de hwà ga nɔng me mo ye pɛngɛ a me yey.

⁷Me somo hwo à Dagwi Darwey, yaga hwó vos a me badu. Yey hom ye bare a me badu mō ka ma ka sê nevwa.

⁸Ma tɔk, hwà sé bagat na me kayɛ jeng. Pyɛ cak ya rɔda dikta me wɛt.

⁹Ey, yey hom ya pɛngɛ, me rɛ̌ na nzem, ko me sangal e ji netyang.

¹⁰Ma sé pang na hwo. Hwô tik, me kyè wɔ e kwɔ̂n bevuvwel kɛ me wey ɛ e sak wɛt.

¹¹Hwà dura a me[6] gwong vɔk e neken. Hwà sila me na yey pyɛng, yaga hwà sé tanga me, e vwɔ yege mō, yey hom yê pɛngɛ gbak-gbak.