Read berom Lɛlɛ 2 Bible Online

Lɛlɛ 2 - berom bible

Lɛlɛ 2

¹E sɛ́ ya tɛ̀, yére bemât jey be sogo nehywɛ ɛ? E sɛ́ ya tɛ̀, bemat o be yongos begwong de bê tɛ̀ to wɛt ɛ?

²Begbɔng begwɔ̀m jey ba sé yong ɛn, be wuna hɛn na be sogo e ra Dagwi Darwey na gbɔng gwɔ̀m de a kasa mo.

³Ba tē, “Wot a ga ruru na râ sesam mɛn! Tik wot a viri bato mot!”

⁴Ko Darwey a sé shɛgɛsh e gwofwa negwɔm mɛ e lagwi, e shɛgɛsh fwôm netɔn de ba sé mɛ.

⁵E ha na yɛn na shom, a tē, “Me wɛ de ma ga tɛ̀ gbɔng gwɔ̀m hom e Siyɔn, e raku de ma tik jaram yaga me.” Ko shom mɛ mo ya tɛ̀ ɛn, ba vow yaga bengyip.

⁷Me ha pyɛ de Dagwi Darwey a ha. A yang me, “Hwà sé hwey hom, yunung ma ga tɛ́ me da mō.

⁸Ra won, ko ma rɔda tɛ̀ o gbɔng gwɔ̀m yére bemât jey mwa, jey mwa yê sè myo.

⁹Hwô tɔk dak ɛn na wɔrɔ, hwô tɔk wey na yɛn sede be bunut rwêy cwem.”

¹⁰Hóo! À yin begbɔng begwɔ̀m, toyo hin e ji nehywɛ min! Tē in naka, à yin de yin a sé re negwɔm e ra jey.

¹¹Ré in a Dagwi Darwey fongol, sap in hɛ. Vɔk in yey pyɛng, vow in.

¹²Ko gaba hin e cât bol hwey mɛ.[1] Ka ano wɛt, shom mɛ yê sogo, ko yin ê pere ku, yaga a vɔk ɛ shom wɛt. Ko vê wɛng a vemo de be jama kwɔ̂n dal na yɛ!