Read berom Lɛlɛ 23 Bible Online

Lɛlɛ 23 - berom bible

Lɛlɛ 23

¹Lwɛlɛ̂ Davit À Dagwi Darwey, ma sé tyimit mō, ko hwà sé lwek hom. Me bidɛ pyɛ cak wɛt.

²Hwó tɛsɛ me e kwɔ̂n sehwêy gwim-gwim; hwó to kyè na me vɔk e kwɔ̂n nshî bekadung de na sé gwiiri.

³Hwó turu gap hom. Hwó kyè na me e begwong de ba sé cik yaga nerey mō.

⁴Ka ma ka sé kyè e sarâng beraku e lwil mwangalang, mê wok bengyip wɛt, yaga hwà sé tanga me. Kpurung na gwele mō be tɛ̀, me hala yey hom bɛs.

⁵Hwó yong a me pyɛ̂ nzem e bayîs vê repugu hom, hwó sey me sede gbɔng kwɛnɛt, hwó sila keshi sɔ hom gbɛ̄k.

⁶Ey, hwô dura a me nerat mō, hwô tɛ̀ yey na me mwa neyɛnɛ̂ neken hom, ko mê sangal e ji lɔ mō nesheneshey.