Read berom Lɛlɛ 28 Bible Online

Lɛlɛ 28 - berom bible

Lɛlɛ 28

¹Yi e vwɔ̂ Davit. À Dagwi Darwey, ma sé yila hwo, hwo bang betong mō wɛt. Hwà sé a me sede fwarâ dal. Ka sede hwà hanat a me wɛt, mê to me se mwasi wɛt.

²Wet betong na dâk gabɔk hom, jeng de me tosho yaga sɛlɛ, jeng de me nára vɔ vɔk e kwɔn de ha dal mwa na nejɛrɛ, kwɔn de hwà sé ɛ.

³Hwo bak ɛ me tanga bemat beves na vemo de be ragas nengyas wɛt. Nenu mɛn na sé mɛɛsɛs, ko yey mɛn ya sila na neves.

⁴Tala hɛn tyɛng pyɛ́ de be ragas! Tabak hɛn yaga neves de be paa, tik pyɛ de yɛn e jama ye sɛ̀ ɛn.

⁵Ba ka di gbɔng pyɛ́ de hwà ga ra wɛt, tik na hwo wey na yɛn hywiri.

⁶Mê somo hwo à Dagwi Darwey, hwà ga wet betong na dâk gabɔk hom.

⁷Hwó nɔng me gap, hwà sé a me sede ruga. Ma tɛ̀ gap e ra hwo, ko hwà ga sɛlɛ me. Mê rɛ̌ na nzem yɔ̀kyɔk, mê ra a hwo lwɛlɛ̂ feng.

⁸À Dagwi Darwey, hwo nɔ̂ng bemat mō gap, hwo sey, ko hwo dul nekên gbɔng gwɔ̀m de hwà ga kasa.

⁹Sey ot, bemat mō, tɛ̀ nerat mō e ra wot de wot a sé bemo. Gyéng ot, vɔk ot e vwɔ mō neshey gbak-gbak.