Read berom Lɛlɛ 4 Bible Online

Lɛlɛ 4 - berom bible

Lɛlɛ 4

¹Lwɛlɛ̂ Davit. Gwá sè e vwɔ̂ mwât kyé na lɛlɛ. Bē ra gwɛ na yōm. À Dagwi, hwo de hwà ye, vit a me na nɛn, hanat a me, jeng de me yila hwo. Jeng de ba firik me, hwà sey me. A remo, tosho reyɔm hom, sey won hom!

²À yin bedaberey, yin e tɛsɛ a me rekyen. Yin e tɛ̀ yey na pyɛ de ya sé yapyi zɔng, ko yin e raa bamâ nebɔs. Nayu de yin ê tik ɛ?

³Di in, Dagwi Darwey a kasa vemo de ba sé pang na yɛ, na be se bemɛ. E wokos me jeng de me yila hɛ.

⁴Vow in yaga bengyip, yin to ra banɛn wɛt! Naturuk yin e dyɛngɛ yuu, tɔ́rɔng hin e neyey min.

⁵Nára hin a Dagwi Darwey nenɔrɔ na yey rining, ko tɛ̀ in gap e ra yɛ.

⁶Pyak be rangsal, be tē, “E wǎ de ê tɛ̀ a wot nerat ɛ? À Dagwi Darwey, bɛrɛng hot na nerat!”

⁷Hwà pɛngɛ a me yey, a dal yey pyɛ̂ng vemo de ba vɔk bwâl pyɛ́ tanga nshî anap shɛrɛk.

⁸Me wɔ̂ nevwa na yey hom e dyɛngɛ, yaga e hwo zɔng à Dagwi Darwey de hwó gyeng neken hom.