Read berom Lɛlɛ 43 Bible Online

Lɛlɛ 43 - berom bible

Lɛlɛ 43

¹À Dagwi, dura wɔgɔ, vit a me nà nɛn. Tumal a me e ra vemo de ba tɔk o wɛt, sey me yi e vwɔ̂ bemat beves de be vɛ́sɛ bɔs e ra me.

²Hwo à Dagwi, hwà sé a me kwɔ̂n dal. Sɛ́ ya tɛ̀, hwà ye zak a me ɛ? Yaga sɛ́ de me sɔ reyɔm ɛ? Yaga sɛ́ de hwó tik vê repugu hom be tak a me ɛ?

³Tomo na negbey mō na tsak o mō. Tik be kyè na me vɔk e raku de hwà tik jaram yaga hwo, vɔk e kwɔn de hwà sé sangal ɛ.

⁴E hwomo, ma rɔda wɔ e gàgbang rangas a hwo yas, hwo de hwó tɛ̀ yey hom ye pɛngɛ sizɔng, ko mê ra a hwo, à Dagwi hom, lwɛlɛ̂ somo na yom kwo.

⁵Sɛ́ ya tɛ̀, a yang me yɔɔt ɛ? Sɛ́ ye bɔrɔk me ano ɛ? A jam, me sɛt yey e ra hwo! Ey, mê somo hwo gbak, hwo, mwât sey hom na Dagwi hom.