Read berom Lɛlɛ 5 Bible Online

Lɛlɛ 5 - berom bible

Lɛlɛ 5

¹Lwɛlɛ Davit. Gwá sè e vwɔ̂ mwât kyé na lɛlɛ. Bē ra gwɛ na jū À Dagwi Darwey, wet betong na me, wok rus hom!

²Hwà sé Dagwi hom na gbɔng gwɔ̀m hom! Wok sesin hom, e hwo de ma sé ra won na hwo.

³À Dagwi Darwey, hwó wok fwɔ hom bop nagasi. Jeng de jey ye rɔ̌ hywiinin, me vey na newon hom, ko me gyeng, na hwo hanat a me.

⁴Hwo, à Dagwi, yey mō ye pɛngɛ na neves wɛt. Hwó simo mwât banɛn bagat na hwo wɛt.

⁵Hwó niri na bemât dâk kaa wɛt, hwó bɛɛ mwa vemo de be ragâs neves ves,

⁶hwó wey na bemât nebɔs, hwó kyɛ́ o bemât mɔbɔs na vê kwɛlsɛ̂ng bemat.

⁷Ko me à me, hwà tɛ̀ yey na me ding-ding, ko me tɔk vey e lɔ mō. Me sap o, me re a hwo fongol e nuyêl kwɔ̂n jɛrɛ mō.

⁸Hwó ra pyɛ́ de ya sé cik, kyè na me, yaga bemat de be jama bol hom. Yong a me gwong de hwó simo, me raa.

⁹Bé tɔk tɛ̀ gap e ra pyɛ́ de bemat o be ha ko tyɔng wɛt! Yɛn e simo be wey na bemat zɔng. Bé rep nenu, ko pyɛ́ de ye nunus e nɛ ye vey na reku.

¹⁰À Dagwi, gang ɛn na shɔt, tik na pyɛ́ vyes de be yong, ye wey na yɛn. Ró ɛn e nuyel mō, yaga banɛn mɛn ba sé pyak, ko yɛn a sogo a hwo nehywɛ mɛn.

¹¹Tik vemo de be jama kwɔ̂n dal na hwo be vɔk yey pyɛng, be ra biibi kayɛ jeng. Gyep vemo de ba tɛ̀ yey na hwo, tik be rɛ̌ na nzem yɔkyɔk!

¹²À Dagwi Darwey, hwó tɛ̀ nerat e ra vemo de sangal mɛn ha sé cik, hwó tɛ̀ yey na yɛn, hwó dul ɛn sede ruga.