Read berom Lɛlɛ 53 Bible Online

Lɛlɛ 53 - berom bible

Lɛlɛ 53

¹Lwɛlɛ̂ Davit de gwo rɔgɔm. Bē ra gwɛ yɔɔm.[19] Gwá sè e vwɔ̂ mwât kyé na lɛlɛ. Betɔn be tē e yey mɛn, “Vit à Dagwi!” Mwa hɛn ba ga lashe hɛn, be ra tomong de ba sé byɛm-byɛm; vit a hwak de e ra pyɛ́ de ya sé ryat.

²Dagwi e bɛrɛng bemasi yi e hwomo e lagwi, na a di, kɛ behak ba vɔk tɔk, na be jama, be tɔk ɛ.

³Ko mwa hɛn ba ga toyo na bama, mwa hɛn ba ga kyɛ́ ɛn vɔ. Vit a hwak de e ra pyɛ́ de ya sé ryat, vit, ko gwining!

⁴Dagwi e tē, “Bemât ragâs neves vemo bê masa pyɛ cak bɛ̀? Yɛn e re e vɔ bemat hom, ko yɛn e ra won vey na me wɛt.”

⁵Ko di, yɛn a rɔda sǎ e ji bengyip ding-ding, yere bengyip de ba ga sang wok wɛt, yaga Dagwi ê shara bekup vê repugû bemat mɛ! Dagwi a ga kyɛ́ ɛ hɛn, ko bemat mɛ bê di wɛng e ra yɛn, bê tɛ̀ a yɛn rekyen.

⁶Ma vɔk cwey, ka mwat hwak ê nusu yi e Siyɔn, na a bin sey BeIsrayɛl! À Dagwi, jeng de hwô to nɔ̂ng bemat mō wɛng, yére Yakɔp yê rɛ̌ na nzem, BeIsrayɛl mwa bê vɔk yey pyɛng.