Read berom Lɛlɛ 54 Bible Online

Lɛlɛ 54 - berom bible

Lɛlɛ 54

¹Lwɛlɛ̂ Davit de gwa rɔgɔm. A ra gwɛ jeng de BeZif ba wɔ ha a Saul wɔgɔ, Davit a sé e lɛrɛ na yɛn. Gwá sè e vwɔ̂ mwât kyé na lɛlɛ. À Dagwi, sey me na gbɔng reto mō, dura, vit a me na nɛn!

²À Dagwi, wok won hom, wet betong na neha hom!

³Bemat beduk ba ga hwo e ra me. Bemat de vit a hɛn na nemwishish, pyɛ mɛn cak ya sé na hwo wɛt, bé tē ngyɛ́k na be mɔrɔ me.

⁴Ko hwo à Dagwi, hwà sé mwât sɛlɛ hom, à Darwey hom, hwó gyeng neken hom.

⁵Hwô tala a vemo de be jama bol hom neves mɛn. Sila vonu de hwà ra a me, ko hwo wey na yɛn.

⁶Ano kwong, ma rɔda nára a hwo nɔrɔ̂ yey pyɛng. Ma rɔda somo reza mō, à Dagwi Darwey, yaga hwà sé wo nerat.

⁷Hwà ga pat me yi e reyɔm hom mwa, ko me bɛrɛng vê repugu hom de ba ga di wɛng e ra yɛn.