Read berom Lɛlɛ 6 Bible Online

Lɛlɛ 6 - berom bible

Lɛlɛ 6

¹Lwɛlɛ̂ Davit. Bē ra gwɛ na yerê yom de ya vɔk neshwey rwit. Gwá sè e vwɔ̂ mwât kyé na lɛlɛ. À Dagwi Darwey, hwo gyong me na shom wɛt! Hwo tabak me vět wɛt!

²Tosho reyɔm hom, ma ga tɛ́ me gbɛrɛk! Me ra dedan, tɛ̀ me wɛng-wɛng!

³Ma saa e ji reyɔm, gwoněng reyɔm, ko hwó gyeng, na hwo sɛlɛ me e yɛ̌ jeng ɛ?

⁴Yē rɔ̀s a shom mō! Sey me, à Dagwi Darwey! Sey me yi e reku, yaga hwà tɛ̀ yey na me.

⁵Jeng de ma ku, mê tɔk to bare na hwo wɛt, vit a hwak de ê tɔk somo hwo e kwɔ̂n bevuvwel.

⁶Ma ga tɛ́ me fɛkfɛk yaga rus. Mwa turuk ma sé tosho, gwat hom gwa tɛ́ ɛ varak na nemwishil.

⁷Bayis hom ba sé hywiinin, ba ga tɛ́ ɛn shǔt yaga sesin, bemât repugu hom vɛ de ba tɛ̀ ano.

⁸Gas in na me, a yin bemât ragâs neves! Dagwi Darwey a ga wok tosho hom.

⁹Dagwi Darwey a ga sey dâk gabɔk hom yɛ a ga sey won hom.

¹⁰Ê tɛ̀ bemât repugu hom, be sɔ rekyen, be vow, bê pere tele, ko rekyen rê kyiri hɛn.