Read berom Lɛlɛ 61 Bible Online

Lɛlɛ 61 - berom bible

Lɛlɛ 61

¹Lwɛlɛ Davit. Bē ra gwɛ na yōm. Gwá sè e vwɔ̂ mwât kyɛ́ na lɛlɛ. À Dagwi, wok sesin hom, wet betong na won hom!

²Me yila hwo yi e vwel duk de ha sé yikyik, yaga yey hom ya ga kuyɛ. Sɛlɛ me wɔ tut e ra gwopwomol, na me sɛ̀ kwɔ̂ng dal.

³Hwà sé a me kwɔ̂n lɛrɛ, gbɔng kwɔ̂n dal de mê tele vɔk ɛ, de bemât repugu hom bê ra me wɛt.

⁴Tik me sangal e buk mō nesheneshey, dul me, sede congot ye gunung nèy yɛ.

⁵À Dagwi, hwà ga wok vonu de ma ra a hwo, hwà ga nɔng me pyɛ de hwo nɔngɔ̂s vemo de be sap o.

⁶Gwɛ̌ a gbɔng gwɔ̀m pɔlɔ lis, tik na a se kwen wɔ̀ sɛ̀ nezamang.

⁷Tik na hwo se tanga yɛ e ji negwɔm mɛ kayɛ jeng, dul ɛ na nerat tanga tsak o mō.

⁸Ano kwong, mê ra a hwo lwɛlɛ na yom jojot, ko ma rɔda sila vonu de ma ra a hwo hemo à tuk e ra hemo à tuk.