Read berom Lɛlɛ 63 Bible Online

Lɛlɛ 63 - berom bible

Lɛlɛ 63

¹Lwɛlɛ̂ Davit de a ra jeng de á sè e hêy gbingiring hê Yuda À Dagwi, hwo wɛ à Dagwi hom, me jama hwo tyɔng wɛt! Cwey hom mwa ya sé vey na hwo, me wok yêy hwɔshɔ mō sede vwel hwogot de vit a hɛ na nshi.

²E kwɔn de be re a hwo ɛ fongol, ma di nerey na nedyɛt gbɔng nerat mō.

³Mwin, ka sede hwà tɛ̀ yey na me wɛt, neken hom na sé pyɛ wɛt. Yaga ano, mê somo hwo.

⁴Mê feng a hwo gbák de ma sé kwen, mê nára vɔ hom vɔk na hwo e ji won.

⁵Hwô tɛ̀, me vɔk yey pyɛng me sirik, sede mwat de a sé re pyɛ̂ nzem. Mê ra lwɛlɛ, mê somo hwo.

⁶Jeng de ma sé e dyɛngɛ, me bare na hwo, me sǎ e de tɔrɔng e ra hwo mwa turuk.

⁷Ey, hwà sé mwât sɛlɛ hom, hwà dul me, sede congot de ye gunung nèy yɛ, yaga ano, mê mok lwɛlɛ.

⁸Ma sé pang na hwo, vwɔ yege mō gwa vɔk me gak.

⁹Tik vemo de be simo be wey na me, be kyè wɔ e kwɔ̂n bevuvwel!

¹⁰Tik be wey na yɛn na wal e de como, bē tɛ́ ɛn pyɛ̂ rê bevû hey!

¹¹Tik na gbɔng gwɔ̀m a vɔk yey pyɛng na Dagwi! Tik mwa vemo de be sira na Dagwi be se vê wɛng, ko bemât bɔs, bê bang a yɛn nenu.