Read berom Lɛlɛ 64 Bible Online

Lɛlɛ 64 - berom bible

Lɛlɛ 64

¹Lwɛlɛ̂ Davit. Gwá sè e vwɔ̂ mwât kyé na lɛlɛ À Dagwi, wok me, jeng de ma sé tosho a hwo, gyeng me yi e shisâ bemât repugu hom.

²Dul me yi na bemât nengyas de be yongos pyɛ́ vyes, yi e vemo de be gushung hɛn e ra me.

³Nenu mɛn ne tow sede bewal, neha mɛn na sé kpashak sede nedɔ̂m ket.

⁴Yɛn e wɛrɛm bemat de ba sila gyat, be pere ta ɛn, vit a rekyen.

⁵Yɛn e tumal gak e de yong begwong beves, be tɔrɔng gwong de bê rene bagun mɛn, ko be bare, vit a mwat de a di ɛn.

⁶Yɛn e yong begwong beves, ko be tē, “Wot a ga yong gyat! Wot a sé jɔgɔ a?”[22]

⁷Ko Dagwi ê tabas hɛn na ket, bê pere mǎ hɛn.

⁸Nenu mɛn nê vos ɛn, ko mwa vemo de bê di ɛn, bê ye, “E jɔgɔ a yemo wɛt!”

⁹Bê wok bengyip, bê ha tomong de Dagwi e ra, ko bê tɛ̀ pyɛ́ yemo e ji neyey mɛn.

¹⁰Bemat berat bê vɔk yey pyɛng na Dagwi Darwey, yɛn ê sɛ̀ kwɔ̂n dal na yɛ. Mwa vemo de neyey mɛn na sé yɛt bê somo hɛ.