Read berom Lɛlɛ 67 Bible Online

Lɛlɛ 67 - berom bible

Lɛlɛ 67

¹Lwɛlɛ yaga mwât kyé na lɛlɛ. Bē ra gwɛ na yōm. À Dagwi, tosho reyɔm mot, tɛ̀ nerat e ra wot, ko hwo bɛrɛng hot na nerat!

²Ka hwà ra ano, bê di e jey mwa gwong de hwó kyè na bemat mō, mwa yére bemât jey bê di gwong de hwó sey bemat.

³À Dagwi, tik bemat mwa be feng a hwo, ey, yére bemât jey mwa bē somo hwo!

⁴Tik na yɛ̄ mwa ye vɔk yey pyɛng, ye mok lwɛlɛ. Yaga hwó gas a bemat badu e tē, ko hwó kyè na yére bemât jey mwa.

⁵À Dagwi, tik bemat mwa be feng a hwo, ey, yére bemât jey mwa bē somo hwo!

⁶Vwel ha ga nɔ́ng ot bwal rwat. Tik na Dagwi, yɛ Dagwi mot, a tɛ̀ nerat e ra wot.

⁷Ey, tik na a tɛ̀ a wot nerat, tik bemât jey mwa be sap ɛ!