Read berom Lɛlɛ 8 Bible Online

Lɛlɛ 8 - berom bible

Lɛlɛ 8

¹Lwɛlɛ Davit. Bē ra gwɛ na yôm bemât Gat.[3] À Dagwi Darwey, Darwey mot, hwà vɔk gbɔng za e jey mwa! Nedyɛt gbɔng nerat mō ne tɛ̀ lagwi wo nɛp!

²Nèy mwa na necereng o ne somo hwo, ko neha nɛ ne dura a bemât repugu mō reto mō. Yi ano, hwó tɛ̀ vemo de be bɛɛ hwo ves, be wey ɛ yuu.

³Kayɛ jeng de me ye ganga à lagwi, fwôm vwɔ mō, me bɛrɛng pwɛl na netangacɛn de hwà tɛ̀ e nekwɔn mɛn.

⁴Me rangâl yey hom: Mwasi a sé sɛ́ de hwó bare na yɛ ɛ? Mwat zɔng a sé sɛ́ de hwo bɛɛ hɛ arɛt?

⁵Ko mwa ano, hwà nɔng ɛ gbɔng nerey na nerat, hwà tɛ̀ ɛ, a radɛ betom-lagwi[4] tyɔng zɔng.

⁶Hwà tɛ̀ ɛ e ra kayɛ pyɛ de hwà yong, hwà nɔng ɛ reto e ra pyɛ̂ mwa e jey:

⁷vyēl na berɔndɔng, tanga mwa ngyāma,

⁸benon na betɔk, na mwa pyɛ́ de ya sé e ji gworep.

⁹À Dagwi Darwey, Darwey mot, hwà vɔk gbɔng za e jey mwa!