Read berom Lɛlɛ 82 Bible Online

Lɛlɛ 82 - berom bible

Lɛlɛ 82

¹Lwɛlɛ̂ Asaf. Dagwi a ga yong ɛ́ e gwofwa negwɔm mɛ, a sé kyè na tula e tê bemat-lagwi, e yɛt shɔt.

²E ha, “Yin e gas shɔt e tē wɛt! Yin e raa bamâ vê buru! Vɔk e yɛ̌ jeng de yin ê ra ano ɛ?

³Nduga, yin dul bepɛng tanga nehyɛn. Gas in shɔt e tē á vemo de vit a hɛn na sɛlɛ tanga vemo de be midra a yɛn shɔt e tē.

⁴Sey in vemo de vit a hɛn na gap tanga vemo de be jama sɛlɛ yi e vwɔ̂ vê neves.

⁵“Yin a tɔk pyɛ cak wɛt, yin a vɔk netsitsɛ̂ng pyɛ cak wɛt, yin a sé kyè e ji lwil e jeng de tîs jey ha sé digis.

⁶“Ma ga ye, ‘Yin a sé bemat-lagwi, yin a sé nèy hom, Me De Ma Dal Na Reto Mwa.

⁷Ko mwa ano, yin ê ku sede bemasi, nerey min nê tɛ́t ɛ sede ne mwât nuyel de a dun fwom mɛ.’ ”

⁸Sogo, à Dagwi, ra a jey shɔt, yaga yére bemât jey mwa ba sé bemo!