Read berom Lɛlɛ 87 Bible Online

Lɛlɛ 87 - berom bible

Lɛlɛ 87

¹Lwɛlɛ yaga ruhûp Kora. Dagwi Darwey a lɔk repomo mɛ, a tɛ̀ tîs rɛ e raku de a tik jaram yaga yɛ.

²A tɛ̀ yey na repomô Siyɔn o a dal mwa bwang nekwɔn yerê Yakɔp.

³À Siyɔn, hwà sé repomô Dagwi, ko e ha ha rat e ra hwo, e tē,

⁴“E ji yére de ya tɔk me, ba sé bemât Misra na Babilɔn, bemât Filistya, na vê Tur, tanga Kush. E ra kawɛ mɛn, be tɔk ye, ‘Ba tɔ ɛ e hwomo.’ ”

⁵Ko e ra repomô Siyɔn, bê ye, “Ba tɔ kawɛ mwat e rɛ.” Dagwi De A Dal Na Reto Mwa, yɛ wɛ de a rɔda gyeng rɛ tyang.

⁶Jeng de Dagwi Darwey ê ngyɛrɛ bazâ bemat yi e yére bemât jey mwa, ê jɛk e hagât rezâ kawɛ mɛn, “A sé tɔ̂ Siyɔn.”

⁷Bemât lwɛlɛ na bemât rɛɛ bê tē, “À Siyɔn, hwà sé a wot lɔ.”