Read berom Lɛlɛ 95 Bible Online

Lɛlɛ 95 - berom bible

Lɛlɛ 95

¹Vey in, na wot a mok a Dagwi Darwey lwɛlɛ, tik wot a ra a yɛ biibi, yaga yɛ a sé a wot sede fwara, kwɔn de wot e dal ɛ!

²Tik wot a wɔ e nuyel mɛ, na wot feng a yɛ, tik wot a dak a yɛ yōm, wot a mok a yɛ lɛlɛ.

³Ey, Dagwi Darwey yɛ wɛ a Dagwi de a dal na nerey, yɛ wɛ a gbɔng gwɔ̀m wo reto de a dal mwa cī.

⁴Mwa jey ya sé e vwɔ mɛ, yi e tîs vwel vɔk e zomzôm beraku.

⁵Gworep gwa sé gwomwɛ, e yɛ de a yong gwɛ, vwel ha sé mɛ, yông vwɔ mɛ arɔng.

⁶Vey in, na wot ye guduruk, wot ye det e nuyel Dagwi, na wot a re a yɛ fongol. Yɛ Dagwi Darwey de a yong ot!

⁷E yɛ wɛ à Dagwi mot, ko wot a sé bemat mɛ. E kyè na wot sede lwêk vyēl, e gyéng ot sede kwara mɛ. Káa, ka yunung yin a yang wok pyɛ de a sé ha:

⁸“Yin se gbàrak sede bedabeda min bá sè e Mɛriba wɛt, kɛ sede e tuk hane e Misra e hey.

⁹E hwomo, bá mara me, bá shɔk a me jim. Yɛn á di pyɛ́ de ma ga ra a yɛn, ko mwa ano, yɛn á simo, me gwɛ̌ ra a yɛn cak.

¹⁰Neshey kuru banaas, yey hom yá tē kung-gung na bedabeda min, ko ma ye, ‘Beratô bemat vemo ba ga doyo hɛn! Yɛn a tɔk pyɛ́ de me simo be ra wɛt.’

¹¹Yaga ano, ma tɛ̀ shom, ko ma sira me, ‘Yɛn ê yel e vwel de me kyè wɔ nɔng ɛn pɔngɔ e ji hɛ wɛt.’ ”