Read berom Lɛlɛ 96 Bible Online

Lɛlɛ 96 - berom bible

Lɛlɛ 96

¹Rá in a Dagwi Darwey lwɛlɛ pwas! Rá in a Dagwi Darwey lwɛlɛ, à yin bemât jey mwa!

²Rá in a Dagwi Darwey lwɛlɛ, somo hin hɛ! Kahɛ tuk, mok in yɛgɛt yat wɔgɔ, “A ga séy ot!”

³Há in e ji yére bemât jey mwa gbɔng nerey mɛ, mok in e ji bemasi mwa pyɛ̂ bes mɛ!

⁴Dagwi Darwey a sé gbɔng o, a vey na be nɔng ɛ nerey ding-ding, be sap ɛ e ra cī mwa.

⁵Mwa yére dyuk yé re a pyɛ́ de ba yong fongol, ko Dagwi Darwey yɛ wɛ a yong lagwi.

⁶Gbɔng nerey na nedyɛt gbɔng nerat mɛ ne gwɔrɔ hɛ, reto na gbɔng nerat ne sila duk re a yɛ fongol.

⁷À yin yére bemât jey mwa, somo hin gbɔng nerey na retô Dagwi Darwey!

⁸Nɔng in hɛ nerey de na jam yaga yɛ! Vey in na nenɔrɔ min, yel in mɛ e lalâ Gbɔng Duk mɛ!

⁹Yɛ a sé wo jɛrɛ. Ré in a yɛ fongol jeng de ê dura nedyɛt gbɔng nerat mɛ! Vow in e nuyel mɛ, à yin bemât jey mwa!

¹⁰Mok in a yére bemât jey mwa wɔgɔ, “Dagwi Darwey a sé gbɔng gwɔ̀m! Jey ya tumal gak, vit a pyɛ cak de ye dikta yɛ. E gas a bemât jey shɔt e tē.”

¹¹Tik lagwi wo vɔk yey pyɛng, tik jey ye rɛ̌ na nzem, tik gworep na kayɛ pyɛ e ji gwɛ be wus!

¹²Tik hiri na kayɛ pyɛ de ye ras e ji vɛ be mok lwɛlɛ. Ano, batîn cɔ́gɔt rehwot bê ra biibi,

¹³yaga Dagwi Darwey e kyè vey! E vey re negwɔm e ra jey, ê gas a bemât jey shɔt e tē, vit a garigim.