Read berom Lɛlɛ 98 Bible Online

Lɛlɛ 98 - berom bible

Lɛlɛ 98

¹Lwɛlɛ Rá in a Dagwi Darwey lwɛlɛ pwas! A ga ra pyɛ̂ bes, a ga di wɛng na vwɔ yege mɛ gwô gap.

²A ga dura a yére bemât jey mwa, a ga sey ot. A tɛ̀ ɛn, be tɔk, yɛ e gas shɔt e tē.

³A ga sila nu de a vo a BeIsrayɛl wɔgɔ, ê tɛ̀ yey na yɛn, ê ye waa a hɛn ko tyɔng wɛt. Bemat mwa e jey ba ga di, Dagwi mot a ga sey ot.

⁴Mok in a Dagwi Darwey lwɛlɛ, à yin bemât jey mwa! Rá in gwɛ na yōm, ra in biibi yɔkyɔk!

⁵Rá in a Dagwi Darwey lɛlɛ na yōm kwo, rɔgɔm hin vɛ!

⁶Pɛsɛl hin bezing na bedurum, mok in lwɛlɛ e nuyel Dagwi Darwey, gbɔng gwɔ̀m mot!

⁷Tik gworep na pyɛ̂ mwa e ji gwɛ gwo wus, tik jey na bemat de ba sé sangal e ji yɛ be lumla lwɛlɛ.

⁸Tik bègwɔrɔt be dak vɔ, mwa berahwol be ra biibi,

⁹Yaga Dagwi Darwey e kyè vey! Ê vey re negwɔm e ra jey, ê gas a bemât jey shɔt e tē, vit a simô to.