Read berom Lɛlɛ 99 Bible Online

Lɛlɛ 99 - berom bible

Lɛlɛ 99

¹Dagwi Darwey a sé gbɔng gwɔ̀m! A sé sangal e ra gwofwa negwɔm mɛ e ra bekɛrup, yére bemât jey ye vow e nuyel mɛ, ko jey ye digis.

²Dagwi Darwey a dal na reto mwa e Siyɔn, e re negwɔm e ra mwa yére bemât jey.

³Tik kawɛ mɛn a somo hwo, hwo à Dagwi, hwà sé gbɔng o, pyɛ sap! Hwo zɔng, à Dagwi.

⁴À gbɔng gwɔ̀m, reto ra sé na hwo. Hwà tɛ̀ bayis mō, na hwo di, be gas shɔt e tē, vit a simô to e ji BeIsrayɛl. Hwó simo, hwo di, be gyeng badu mō.

⁵Nɔng in Dagwi Darwey, Dagwi mot nerey! Ré in a yɛ fongol e gwofwa negwɔm mɛ! Yɛ zɔng, à Dagwi.

⁶Mose na Aharon bá sè e ji bepiris, Samwɛl arɔng á sè e ji vemo de bá yila hɛ. Yɛn á ra won na yɛ, ko á hanat a yɛn.

⁷Á ha na yɛn yi e rele, ko yɛn á gyeng ha na badu mwa de á nɔng ɛn.

⁸À Dagwi Darwey, Dagwi mot, hwà hanat a yɛn. Hwà hala a yɛn banɛn mɛn, ko jeng de yɛn a buru, hwà tabak hɛn.

⁹Nɔng in Dagwi Darwey, Dagwi mot nerey! Ré in a yɛ fongol wɔ̀ sɛ̀ raku de a tik jaram yaga yɛ. Yɛ zɔng, à Dagwi.