Read berom Cīnat Neha 9 Bible Online

Cīnat Neha 9 - berom bible

Cīnat Neha 9

¹Hwâ netsitsɛng a ga lɔk lɔ mɛ, a tɛ̀ sesek gacik taama na a gwɛ̌ a lɔ́k o gap.

²A ga yɛt banamâ yas yaga râ nzem, a ga puru nshi anap mɛ, a ga tik pyɛ̂ re arɔng.

³A ga tomo behwông fwom mɛ, be yila yi e nedem nerey ne repomo.

⁴Be tē, “Mwa wò dunus tik na a ye rɛng na mɛ!” Na womo de a vɔk tɔ́k-tsik wɛt e ye,

⁵“Vey, na hwo re pyɛ̂ re hom na hwo sɔ nshi anap de ma ga puru nɛ.

⁶Hala hin netɔn na yin a sè beken. Ko yin kyè e gwông tɔ̂k pyɛ́.”

⁷Mwat de a gyong mwât tôs to bê dusa hɛ zɔng, womo de e tabak mwat vwes bê mǎ hɛ.

⁸Hwo gyong mwat tos to wɛt, ê bɛɛ hwo ves, gyong mwât netsitsɛng e negya, ko ê tɛ̀ yey na hwo.

⁹Masa a mwat netsitsɛng ko e gwɛ̌ netsitsɛng, basa a mwat de a sé cik ko e gwɛsɛ ɛ masa.

¹⁰Sâp Dagwi Darwey ha sé mɛsɛ̂ng netsitsɛng, ko tɔ̂k Wo Jɛrɛ he nɔng mwat tɔ́k-tsik rat.

¹¹A sé netsitsɛng de nê gwɛ̌ nepɔlɔ mō, ko yi na nɛ de neshey neken mō nê gwɛ hɛn.

¹²Ka sede hwà vɔk netsitsɛng, hwô re nerat nɛ, ko sede hwo tos to, hwo wɛ hwô wok mɛ.

¹³Tɔ́n hwā e ra rewɔng, dunus, vit à kyen.

¹⁴E sangal e rwi lɔ mɛ, e kwɔ̂n sangal wɛshɛrɛk e ji repomo,

¹⁵e yishi vemo de ba sé kwey, vemo de ba ga kaba gwong cik wɔ̂ tomong mɛn.

¹⁶E tē “Mwa wò dunus tik na a ye rɛng na me!” Ko womo de vit à tɔk e yang ɛ,

¹⁷“Nshî kyìri ne tā, ko pyɛ̂ re de be re e lɛrɛ ye rɔgɔm.”

¹⁸Ko a tɔk, bevuvwel ba sé e hwomo wɛt, bekɛnɛt mɛ ba sé e ji neciwil sak.