Read berom Mwat Ngyɛgɛt Pyɛ́ 6 Bible Online

Mwat Ngyɛgɛt Pyɛ́ 6 - berom bible

Mwat Ngyɛgɛt Pyɛ́ 6

¹Neves a nemo de ma di e jey, ko na sé pɔk e ji bemat:

²Dagwi e nɔng mwat dyām na yas tanga nerey, ko a bidɛ pyɛ cak de a vɔk cwey o wɛt, mwa ano a nɔng ɛ reto na a wok neta yɛ wɛt, ko mwat duk, yɛ wɛ e wok neta yɛ. Hemo ha sé yapyi, ha sé serɔ seves.

³Sede mwat a tɔ nèy naga, a wul neshey pyak arɔng, ano de a ros pyak, ko a tɔk wok netâ wɛng o wɛt, ko ba lɛrɛ hɛ wɛt, ano e bare hom, hwey de ba pat hɛ e jim ha dal ɛ.

⁴Ano ba yang tɔ ɛ e ji yapyi neken, ko a yang kyè e ji lwil reku, vit a tɔk reza mɛ.

⁵A yang di gwi wɛt, a yang tɔk pyɛ cak wɛt, ko mwa ano, a yang sɛ̀ pɔngɔ de ha dal he mwat de a ros.

⁶Ey, ka a ka ros neshey gu baba ko a wok neta mo ko tyɔng wɛt, kawɛ mwat e tala e kwɔn hining, hɛ à sak.

⁷Mwa reyɔm de mwasi e sɔ ra sé yaga jim mɛ, ko mwa ano, re sang vey a yɛ wɛt.

⁸Nerat nê nàra a wo netsitsɛng kɛ tɔn wɛt. E nɛ̌ nerat na sé yaga mwat pwɛng de a tɔk sangâl jey ɛ?

⁹A dal naka hwo vɔk yey pyɛng na pyɛ de hwà vɔk, hwo vɔk negwi cwey pyɛ de hwà ga di wɛt. Hemo arɔng ha sé yapyi na rô gul zɔng.

¹⁰Kayɛ pyɛ de ya kana sè, ba tɔk yɛ, ba tɔk gwong de mwasi a sé, ko ba tɔk arɔng, mwasi e tɔk gang womo de a dal ɛ na gap, na cuna wɛt.

¹¹Gwɛ̂ neha, gwɛ̂ yapyi. E nɛ̌ nerat de ne vey a mwat mɛ̀ ɛ?

¹²Wà de a tɔk pyɛ de ya dal a mwat e nepɔlɔ̂ neken mɛ ne yapyi, nemo de ne kweres sede necam ɛ? Wà e tɔk ha a mwat pyɛ de yê té e jey, e bama de a ga ku arɛt?