Read berom Yɛshaya 12 Bible Online

Yɛshaya 12 - berom bible

Yɛshaya 12

¹E jeng o, hwô ye: “Mê nɔng o nerey, à Dagwi Darwey! Hwá kana vɔk shom na me, ko shom mo ya ga tala hɛ, hwà sé wɔrɔk me.

²Mwin, a sé mwât sey me; Mê tɛ̀ gap hom e ra yɛ sana bengyip. Yaga Dagwi Darwey, Dagwi a sé reza mɛ. Yɛ a sé gap hom na tîn lwɛlɛ hom. E yɛ de a sey me.

³Yin ê sɛ̀ yey pyɛng yi e sey min, sede be vos nshi yi e hès.”

⁴Ko e jeng o, yin ê ye, “Nɔng în Dagwi Darwey nerey, Yila hin reza mɛ Ha in a yére bemât jey pyɛ́ de a ga ra! Ha in a yɛn, yɛ a sé rwey o tyɔng wɛt!

⁵Ra in a Dagwi Darwey lɛlɛ̂ somo, yaga pyɛ̂ gbɔng nerat de a ga ra. Tik na jey mwa ye wok yɛgɛt yemo!

⁶Tik kawɛ mwat de a sangal e Siyɔn: Ye in ngyat na râ lwɛlɛ, Yin de yin a sangal e Siyɔn, WoJɛrɛ wo Israyɛl a sé gbɔng o, ko a sé sangal e tê bemat mɛ.”