Read berom Yɛshaya 18 Bible Online

Yɛshaya 18 - berom bible

Yɛshaya 18

¹Gawey e ra vwel wûs bafabâk rawal de ha sé e nuyêl nerɔt Etiyopya.

²He tomsal betom hɛ e ra nshi e Gwɔrɔt Nil e bedwa-nshi vê sere! Ci in, à yin betom ziri, vɔk na yerê bemât jey belis o, vê bek hyul-hyul, vɔk na bemat de be wok bengyip mɛn bagat na yikyik, yerê bemât jey ye gap, ye rê como, yemo de nerɔt nà kyě gas vwel mɛn o.

³Mwa yin bemât jey, yin de yin a sangal e vwel o, yin ê di jeng de ba sé tɛ̀ tula e ra beraku, yin ê wok jeng de ba sé pɛl durum.

⁴Yaga Dagwi Darwey a yang me ngan: “Mê bɛrɛng yuu yi e kwɔ̂n sangal hom, sede nevɛ̌t gwi nagwi, sede relê mwɛngɛ e jeng nefɔɔ bwal.

⁵Yaga gyam jeng bwal, jeng de cúyu anap o ya ga gabsa, ya ga tɛ̀ nèy anap de na ga hwo vel. Yɛ ê yɛt vɔ anap o na ba, ko ê tow nelang de na kyě nǎ hɛn.

⁶Bê hala mwa yɛ á benon rê yɛ vè beraku, tanga ngyāma jey. Ko benon rê yɛ bê sangal e hwomo nahywɛp, ko mwa ngyāma jey yê re nazɛng e ra yɛ.”

⁷E jeng o, bê vey nɔ̂ng Dagwi Darwey, Dâ Jey Mwa nenɔrɔ yi na bemat belis vê bek hyul-hyul, yi na bemat de be wok bengyip mɛn bagat na yikyik, yerê bemât jey ye gap, ye rê como, yemo de nerɔt na kyě gas vwel mɛn, vɔk e Raku Siyɔn, kwɔ̂n rezâ Dagwi Darwey, Dâ Jey Mwa.