Read berom Yɛshaya 20 Bible Online

Yɛshaya 20 - berom bible

Yɛshaya 20

¹E shey de gwɔ̀m como de Gbɔng Gwɔ̀m Sargɔn wo Asirya a vey e Ashdot na a ra como na repomo mo, na a re rɛ —

²e jeng o, Dagwi Darwey a ga ha na Yɛshaya Amotsi, a ye, “Ci wɔ̀ viri berugû sesin yi e rawit mo, na hwo paa bekpatâk bol mo”, ko a ga ra ano, a kyè kpimit na bol hal.

³Ko Dagwi Darwey a ye, “Sede remo de mwât fwom hom Yɛshaya a ga kyè kpimit na bol hal neshey netat, sede pyɛ dura na ye túsa e ra Misra na Etiyopya,

⁴ano de gbɔng gwɔ̀m Asirya ê kyè na BeMisra sede bemât ngyang na BeEtiyopya sede besam mwa bebot bemat na bemakuk, bê sè kpimit na bol hal na balus pyot, na a sè a Misra pyɛ rekyen.

⁵Ko ê sè a yɛn kpɔrɔk na kpɛɛ yaga Etiyopya de yɛn a sɛt yey e ra wɛ, tanga Misra de yɛn a dak kaa na wɛ.

⁶E jeng o bemât sangal e gurâ gworep o bê ye, ‘Di, pyɛ ma yemo de ya té na vemo de wot a sɛt yey e ra yɛn tanga womo de wot a tele vɔk na yɛ e de jama sɛlɛ na a sey ot yi e gbɔng gwɔ̀m Asirya! Ko wot, wot ê hywit ot e rɛ̀?’ ”