Read berom Bepiris 12 Bible Online

Bepiris 12 - berom bible

Bepiris 12

¹Dagwi Darwey a yâng Mose,

²a ha a BeIsrayɛl badu vemo ngan: Ka sede hwā a tɔ̀ wen, ê sè ligis nepɔlɔ netaama tyɛng sede jeng berang mɛ.

³Ko e tuk hê rwit, bê wɔ́ a hwey o e cwɛl.

⁴Hwā mo ê re nuyel na gyeng sɛ̌ bamâ nepɔlɔ kuru batat na nɛ netat, yaga jeng telê nemi. A ra pyɛ cak de ya sé jɛrɛ, kɛ a wɔ́ e kwɔ̂n re a Dagwi fongol wɛt, sɛ̌ jeng tɛ́ ɛ haalal ya ga kwey e ngyen.

⁵Ko ka sede a tɔ̀ hwong, ê sè ligis nepɔlɔ kuru na nɛ nenaas tyɛng sede jeng berang mɛ. A rɔda re nuyel na gyeng sɛ̌ bamâ nepɔlɔ kuru batyiimin na nɛ netyiimin, ko ê de sè haalal.

⁶Sede jeng tɛ́ ɛ haalal ya ga sila, kɛ yɛ̀ a tɔ̀ hwey wen kɛ hwong ayi, ko ê wɔ̀ na piris e rwi bûk sangâl Dagwi na vyel pyɛng de ya vɔk shey hining, yaga nára mɛ nɔrɔ̂ yas burang tanga gwobɔp kɛ wǔtut yaga nára mɛ nɔrɔ̂ fûng banɛn.

⁷Piris o ê nára nenɔrɔ nemo vɔk na Dagwi Darwey, ê ra badu pat ɛ yi e sangal ligis, ko ê tɛ́ ɛ haalal. Badu ma vemo de hwā mó ê ra e bama de a ga tɔ̀.

⁸Ko ka sede vit a hɛ na gwông sɛ̂ tyimit, ko tik na a wɔ́ na bewǔtut beba kɛ bebɔp beba, gwining yaga nɔrɔ burang, ko gwining o yaga nɔrɔ̂ fûng banɛn. Piris ê nára nenɔrɔ nemo mo, e ra badu pat ɛ yi e sangal ligis, ko ê tɛ́ ɛ haalal.