Read berom Yirmiya 45 Bible Online

Yirmiya 45 - berom bible

Yirmiya 45

¹E shey he naas de Yɛhɔyakim Yɔsiya á sè gbɔng gwɔ̀m Yuda, Baruk Neriya á jɛk e bwok-basa pyɛ́ de Yirmiya zarap Dagwi a ha a yɛ. Ko Yirmiya a ha a yɛ wɔgɔ:

²“Dagwi Darwey, Dagwi Israyɛl a ye ngan e ra hwo, ‘À Baruk,

³hwà sé tē, Áaa me, ma ga wey ɛ̀! Dagwi Darwey a ga gwɛ̌ a me lashe yey e ra rezot hom. Ma ga tɛ́ me vit nà rus, ko me tɔk sɛ̀ pɔngɔ wɛt!’ ”

⁴Yang ɛ ngan: “Dagwi Darwey, a ye, ‘A remo ma sé gangas pyɛ́ de ma ga lɔk, ko me luyu pyɛ́ de ma ga tus. Mê ra ano e jey mwa.

⁵Hwà sé jama pyɛ́ ryey o, ryat o yaga tó mo a? Hwo jama yɛ wɛt. Ma sé kyè wɔ vey na rezot e ra bemasi mwa, ko hwo hwô hywit o na neken mo e kahɛ kwɔn de hwà wɔ́ ɛ. Me Dagwi Darwey ma ha ano.’ ”