Read berom Yɛzɛkyɛl 15 Bible Online

Yɛzɛkyɛl 15 - berom bible

Yɛzɛkyɛl 15

¹Dagwi Darwey a to ha na me, a ye,

²“À mwasi, e rɛ̌ de cɔgɔt tin anap ya dal bwang cɔ́gɔt mwa ɛ? E rɛ̌ de lâng cɔgɔt anap ha dal bwang cɔ́gɔt e rehwot ɛ?

³Bé jut cɔgɔt hɛ be yong mɛ pyɛ cak a? Bé tɔk vɛ kwagam tîk pyɛ rirɛgɛ e ra hɛ a?

⁴Wey, be tɛ̀ hɛ e kya zɔng, kya hê re to mo na tin o, kya mo hê to re gèy o arɔng, ko bê tɔk ra fwom hwak na yɛ̀ a?

⁵Jeng de yá sè burang, bá ra pyɛ cak na yɛ wɛt, e rɛ̌ kwong jeng de ya ga tɛ́ ɛ bèlili, bê sang to ra pyɛ cak na yɛ a?”

⁶Yaga ano, Darwey Dagwi Darwey a ye: “Sede cɔgɔt anap e ji cɔ́gɔt e rehwot, yemo de ma ga nɔng yaga kya zɔng, ano de ma rɔda nɔng bemat sangal e Yɛrusalɛm.

⁷Mê sɛt bayis repugu hom e ra yɛn, mwa ano de yɛn a hywit ɛn e kya mo, ko kya mo hê re ɛn gbak, ko yin ê tɔk me wɛ à Dagwi Darwey, jeng de ma sɛt bayîs shom hom e ra yɛn.

⁸Mê tɛ̀ vwel o he sè gbingiring, yaga nevit tsak o. Me Darwey Dagwi Darwey ma ha ano.”