Read berom Yɛzɛkyɛl 19 Bible Online

Yɛzɛkyɛl 19 - berom bible

Yɛzɛkyɛl 19

¹Dagwi Darwey a ye, me ra lwɛlɛ gwomo yaga begwɔ̀m Israyɛl,

²me ye: Neng-gwɔ mo á sè hwâ gukum e ji begukum! Á sangal e tê bebot begukum, ko á ras nèy mɛ e tē mɛn.

³A ras hak e ji nèy o, ha tɛ́ ɛ bwot gukum wo gap, ha masa jàma ko ha vos ngyāma, ha re bemasi arɔng.

⁴Yére bemat jey ya dak kun na hɛ, yɛn a vo hɛ e gwovɔng renê hɛ, ko yɛn a pat hɛ na begúk vɔk e vwel Misra.

⁵Sede neng o a di ba ga bang begwong mɛ, ko sɛ̂t yey mɛ ha ga wey, a jut hwey mɛ mo hak ko a ras hɛ na he tɛ́ ɛ́ bwot gukum wo gap.

⁶Ha kyě kyè e tê begukum, ha tɛ́ ɛ bwot gukum wo gap, ha masa jàma ko ha vos ngyāma, ha re bemasi arɔng.

⁷Ha bugut nelɔ negwɔm mɛn, ha wey na bapomo mɛn arɔng. Vwel o na mwa bemât hɛ ba wok bengyip, jeng de ha hwo lulum.

⁸Yére bemat jey ya tula hɛn e ra hɛ, yi e bebak vwel de ba gwɔrɔ hɛn. Yɛn a shara segun mɛn e ra hɛ, ko yɛn a vo hɛ e gwovɔng renê hɛ.

⁹Yɛn a pat hɛ na begúk, ko ba tɛ̀ hɛ e kundung zělzel, ko ba wɔ̀ nɔ̂ng gbɔng gwɔ̀m vwel Babilɔn, ba tɛ̀ hɛ e ngyang, yaga na be to wok lulûm hɛ e ra beraku Israyɛl wɛt.

¹⁰Neng o á sè sede tin anap e ji bwi, de bá zep hɛ bagat na nshi. Ha mara ko ha vɔk nelang na nèy pyak yi na nepyak nshi mo.

¹¹Ha vɔk nelang neting de na tɛ́ ɛn bègele negwɔm. Ha gwɛ̌ ras vɔk e rak o, e hwomo vɔk e bale, ba simo hɛ yaga nelis hɛ, tanga yaga nepyak nelang hɛ.

¹²Ko ba lut hɛ na shom, ba barak hɛ e vwel, gûl rak gwa tɛ̀ ha hworok, nèy o na gabsa e vwel, bim ting o ha hworok, ko kya ha re hɛ.

¹³A remo ba ga zep hɛ e hêy gbingiring, e vwel hwogot de vit à nshi.

¹⁴Kya ha sogo yi e bim o, ha ga re nelang o mwa na nèy o, yi ano, vit à bwang bim ting o, vit a gwelê negwɔm. Lwɛlɛ sesin à gwomo, be ra gwɛ e jeng sesin.