Read berom Yona 2 Bible Online

Yona 2 - berom bible

Yona 2

¹Ano kwong, Yona a ra a Dagwi Darwey, Dagwi mɛ won yi e ji jîm gwotɔk o,

²a ye, “Ma sé yila Dagwi Darwey yi e reyɔm hom, yaga na a toyo a me mɛ. Ma sé mok yi e kwɔ̂n bevuvwel, ko wok fwɔ hom.

³Hwà bomo me e kwɔ̂n ciwil, e hwomo e tê gworep, e kwɔn de tɛmɛ-nshi na gwɔrɔ me, ko fulu na bagun nshi ba kweres e ra me.

⁴A remo ma tɔk di, ‘Ba ga ro me yikyik yi e nuyel mō. Mê tɔk to ba di Gbɔng Duk Re Fongol mo wo jɛrɛ a?’

⁵Nshi mo na vêy vey vo me e fwɔ, gworep o gwa gwɔrɔ me, ko serê gworep sa hanas hɛ e rato.

⁶Ma ye pyɔp vɔk e hwomo e nɛ̂n berakû ji nshi, vwel o ha bang me na ri hɛ gbak-gbak, ko hwo, à Dagwi Darwey, Dagwi hom, hwô tɔk pat me kwen yi e revɔng o.

⁷Me wok neken hom, ne kyè wɔ̀ tala hɛn, ano ma sé doyo vey na hwo, à Dagwi Darwey, yaga na won hom he wul vey na hwo e Gbɔng Duk Re Fongol mo wo jɛrɛ.

⁸Yɛn vemo de be sap ci de ya vɔk nerat nehak wɛt, pyɛ́ de yɛn e tɛ̀ gap mɛn o e ra yɛ, yê hala hɛn.

⁹Ko me, mê somo hwo na râ lɛlɛ̂ feng, mê nára a hwo nɔrɔ̂ pyɛ̂ rangas, mê sila a hwo pyɛ̂ mwa de ma sira a hwo. Sêy neken ha yi na Dagwi Darwey.

¹⁰Ko Dagwi Darwey a nɔ̂ng gwotɔk o nu, ko gwa hwɔs Yona e rekwogom.”