Read berom Bara BeIsrayɛl 26 Bible Online

Bara BeIsrayɛl 26 - berom bible

Bara BeIsrayɛl 26

¹E bamâ tumbang o, Dagwi Darwey a yâng Mose na Ɛlɛyazar Aharon, piris,

²“Bara hin mwa nepyak regyɛng BeIsrayɛl e nelɔ mo yi e mwat de a ga wul neshey kuru baba vɔk e rak o, vemo de ba ga vey tô como.”

³Ko Mose na Ɛlɛyazar ba ra tyɛng ano, yɛn a yila vemo de ba ga vey tô como mo e tyɛl Mowap de ya sé e rwa ta na Rɔt Yɔrdan, de ye bɛrɛng Yeriko e gura. Yére BeIsrayɛl de ya nusu yi e Misra a yemo ngan:

⁴

⁵Yerê Rubɛn, hwêy mɛsɛng hê Yakɔp: rùhup mɛn a ve Hanok, na Palu,

⁶na Hɛzrɔn tanga Karmi.

⁷Nepyak mɛn na sè gu kuru banaas na vɛ batat na naga betaama na kuru batat (43,730).

⁸Yerê Palu à Ɛliyap

⁹na nèy mɛ Nɛmwɛl, na Datan, tanga Abiram. Ko di, Datan na Abiram vɛ a bemat de regyɛng bemat ba kasa hɛn, ko yɛn a sogo a Mose na Aharon na nehywɛ. Yɛn vɛ de ba sè e ji bemat de ba raa Kora, jeng de yɛn a sogo a Dagwi Darwey na nehywɛ.

¹⁰Vwel há wunta hɛ, ko há wɔlɔk hɛn mwa na Kora, ko kya há re bemât raa mɛ naga beba na kuru batungun (250). Yɛn a tɛ́ ɛn a bwang bemat pyɛ tusa.

¹¹Ko nèy Kora ná kushu e jeng o wɛt.

¹²Yerê Simɛyɔn, rùhup mɛn a ve Nɛmwɛl, na Yamin, na Yakin,

¹³na Zɛra, tanga Saul.

¹⁴Nepyak mɛn na sè gu kuru baba na vɛ baba na naga beba (22,200).

¹⁵Yerê Gat, rùhup mɛn a ve Zɛfɔn, na Hagi, na Shuni,

¹⁶na Ozni, na Ɛri,

¹⁷na Arɔt, tanga Areli.

¹⁸Nepyak mɛn na sè gu kuru banaas na naga betungun (40,500).

¹⁹Yerê Yuda, rùhup mɛn a ve Shela, na Pɛrɛs, na Zɛra, na Hɛzrɔn, tanga Hamul. Ko di, nèy Yuda neba, Ɛr na Onan, yɛn a kana kushu e sevwêl Kanaan. Nepyak yerê Yuda na sè gu kuru bataama na vɛ batyiimin na naga betungun (76,500).

²⁰

²¹

²²

²³Yerê Isakar, rùhup mɛn a ve Tola, na Puwa,

²⁴na Yashup, tanga Shimrɔn.

²⁵Nepyak mɛn na wul gu kuru batyiimin na vɛ banaas na naga betat (64,300).

²⁶Yerê Zɛbulun, rùhup mɛn à vɛ Sɛrɛt, na Ɛlɔn, tanga Yaleyel.

²⁷Nepyak mɛn na wul gu kuru batyiimin na naga betungun (60,500).

²⁸Yerê Manase na Ɛfrayim, yɛn vɛ à nèy Yɔsɛf.

²⁹Yerê Manase yi e ruhûp Makir dâ Gileyat:

³⁰Vemo vɛ à nèy Gileyat, ko rùhup mɛn à ve Iyɛzɛr, na Hɛlɛk,

³¹na Asriyɛl, na Shɛkɛm,

³²na Shemida, tanga Hɛfɛr.

³³Zelofehat hwêy Hɛfɛr á vɔk hwêy wen wɛt sɛ̌ behwong zɔng. Baza mɛn à Mala, na Nowa, na Hɔgla, na Milka tanga Tirza.

³⁴Vemo vɛ à rùhup Manase, ko nepyak mɛn na wul gu kuru batungun na vɛ baba na naga betaama (52,700).

³⁵Yerê Ɛfrayim, rùhup mɛn à ve Shutela, na Bɛkɛr, tanga Tahan.

³⁶Yi e Shutela ba sɛ̀ ruhup gwô Ɛran.

³⁷Vemo vɛ a yerê Ɛfrayim, ko nepyak mɛn na wul gu kuru batat na vɛ baba na naga betungun (32,500). Yɛn vemo mwa ba sé yerê Yɔsɛf e rùhup mɛn.

³⁸Yerê Bɛnyamin: rùhup mɛn à ve Bela, na Ashbɛl, na Ahiram,

³⁹na Shɛfufam tanga Hufam.

⁴⁰Yi e Bela ba sɛ̀ rùhup ve Art na Naaman.

⁴¹Nepyak mɛn na sè gu kuru banaas na vɛ batungun na naga betyiimin (45,600).

⁴²Yerê Dan à yemo e ruhup mɛn gwô Shuham.

⁴³Nepyak bemât Shuham na sè gu kuru batyiimin na vɛ banaas na naga benaas (64,400).

⁴⁴Yerê Ashɛr, rùhup mɛn à ve Yimna, na Yishvi, tanga Beriya.

⁴⁵Yi e Beriya, ba sè rùhup Hɛbɛr na Malkiyɛl.

⁴⁶Ashɛr a vɔk hwong mɛ de ba tang ɛ a Sera.

⁴⁷Nepyak mɛn na sè gu kuru batungun na vɛ batat na naga benaas (53,400).

⁴⁸Yerê Naftali, rùhup mɛn à ve Yazɛyɛl, na Guni,

⁴⁹na Yɛzɛr, tanga Shilɛm.

⁵⁰Nepyak mɛn na sè gu kuru banaas na vɛ batungun na naga benaas (45,400).

⁵¹Nepyak BeIsrayɛl beras o mwa de ba bara na sè gu naga kuru batyiimin na gu rining na naga betaama na kuru batat (601,730).

⁵²Dagwi Darwey a ha na Mose, a ye,

⁵³“Gas a yére BeIsrayɛl vwel o tyɛng na nepyak mɛn, na he sè benap mɛn.

⁵⁴Gas a yɛn sevwel o na masâ sesek, ko hwo nɔ̂ng yére de ya sé ryey o bak rwey o, ko yére de ya sé shɛl o bak swɛl o arɔng.”

⁵⁵

⁵⁶

⁵⁷Bemât yerê Levi de ba bara hɛn e rùhup mɛn à vemo, rùhup Gɛrshɔn, na Kohat, tanga Mɛrari.

⁵⁸Yi e rùhup vane ba sɛ̀ rùhup ve Libni, na Hɛbrɔn, na Mali, na Mushi, tanga Kora. Kohat a tɔ Amram.

⁵⁹Amram a ra wenêng Yɔkɛbɛt, hwông Levi, de bá tɔ̀ ɛ e Misra. A tɔ a Amram Aharon na Mose tanga gwa mɛn hwong o, Miryam.

⁶⁰Aharon a tɔ bewen benaas, yɛn à Nadap, na Abihu, na Ɛlɛyazar, tanga Itamar.

⁶¹Nadap na Abihu bá ku e jeng de yɛn á nára a Dagwi Darwey nɔrɔ̂ pyɛ̂ nesang hyɔɔlɔl na kya de yɛn a vɛ yi e gàgbang rangas yas wɛt.

⁶²Nepyak beras mɛn de ba sé pwɛl gwining vɔk e rak o, na sé gu kuru baba na vɛ batat (23,000). Yɛn á kana sè e ji barâ bwang BeIsrayɛl wɛt, yaga bê nɔng ɛn numo mɛn hê benap e jeng gas a BeIsrayɛl sevwel o wɛt.

⁶³Vemo vɛ à bemat de Mose na Ɛlɛyazar ba bara e tyɛl Mowap, e hagât Rɔt Yɔrdan de ye bɛrɛng Yeriko e gura.

⁶⁴Vit a hwak de a rɔngɔl kwen yi e ji vemo de Mose na Aharon ba kana bara e jeng de yɛn á sè bara BeIsrayɛl e hêy Sinai.

⁶⁵Yaga Dagwi Darwey a ga kana yang ɛn, yɛn a rɔda kushu e hey o. Ko di, hwak gwining e ji mɛn a dal wɛt, sɛ̌ Kalɛp Yɛfunɛ na Yɔshuwa Nun zɔng.