Read berom Yɔshuwa 15 Bible Online

Yɔshuwa 15 - berom bible

Yɔshuwa 15

¹Bak vwel de ba nɔ̂ng rùhup BeYuda yi na masâ sesek, a womo ngan: Wa wɔ̀ wul vɔk e hwomo e bak rwa batin, wa wuna ɛ hêy Zin vɔk e yɛnɛ̂ vwel na Ɛdɔm.

²Yɛnɛ mɛn o ha pɛrɛ yi e tîn Gworep Nevwashe, yi e nu mo hemo de ha nára hɛ vɔk e bak batin.

³Ha re nuyel vɔk e rwa batin, ha kwey mɛ nɛ̂n rakû lyāng pere wɔ e Zin, ha kwey rwa batin na Kadɛsh-Barneya, ha kwey Hɛzrɔn, ha re nuyel wɔ̀ tut e Adar, ko ha pere doyo vɔk e Karka.

⁴Yi e hwomo ha re nuyel vɔk e Azmɔn, ko ha raa rɔt de ha sé yɛnɛ̂ vwel na Misra, ha kyè cik wɔ̀ yel e Gworep Tē. Hane hɛ à yɛnɛ̂ vwêl BeYuda e bak batin.

⁵Yɛnɛ mo e bak rak ha sé e Gworep Nevwashe vɔk e nû Rɔt Yɔrdan. E rwa bato, yɛnɛ mo ha vo yi e nû Yɔrdan o,

⁶ha wɔ̀ tut vɔk e Bet-Hɔgla, ko ha kwey e rwa bato na Bet-Araba, ko ha pere tut vɔk e gwofwa Bohan, Bohan yɛ a hwêy Rubɛn.

⁷Yɛnɛ̂ vwel o ha tut yi e Nɛk Reyɔm vɔk e Debir, ko ha doyo vɔk e rwa bato vɔk e Gilgal, ha bɛrɛng mɛ̀ turus vɔk e Adumim de wa sé e rwa batin na nɛk o. Yi e hwomo, yɛnɛ mo ha re nuyel vɔk e lel nshi ve Ɛn-Shɛmɛsh na Ɛn-Rɔgɛl.

⁸Ha to tut vɔk e bak Nɛk Hinɔm, ha raa wɛ e rwa batin wo rahwol gbɔng repomô BeYebus wɔgɔ, Yɛrusalɛm. Ha to kwey vɔk e ra tɛ̂t rahwol o e bak ta na Nɛk Hinɔm, e yɛnɛ̂ rwa bato wo Nɛk BeRɛfa.

⁹Yi e ra tɛ̂t rahwol wane mo ha pere kwɔɔl ha vɔk e lel nshî Neftowa, ko vɔk e bapomo bagat e rakû Ɛfrɔn. Yi e hwomo, ha kyè kwɔɔl vɔk e Baala, de ba tâng wɛ̀ a Kiriyat-Yɛyarim,

¹⁰ha to doyo e rwa ta vɔk e bak vwêl beraku Seyir, ha kwey e bak bato wò rakû Yɛyarim wɔgɔ, Kɛsalɔn, ha kwey wɔ̀ gyirik e Bet-Shɛmɛsh, ko ha pere kwey Timna.

¹¹Yɛnɛ̂ vwel o ha kwey vɔk e rahwol e rwa batô Ɛkrɔn, ha to kyè kwɔɔl vɔk e Shikɛrɔn, ha pere kwey rahwôl Baala, vɔk e Yarneel, ko yi e hwomo ha wɔ̀ wul Gworep Tē.

¹²Yɛnɛ̂ vwel o e rwa ta hɛ à rekwogôm Gworep o. Vemo vɛ à yɛnɛ̂ bavwel na nekwɔn de rùhup BeYuda ba sangal ɛ.

¹³Ba nɔ̂ng Kalɛp Yɛfunɛ bak o hwak e ji vwêl BeYuda, tyɛng na redu de Dagwi Darwey a nɔ̂ng Yɔshuwa.

¹⁴Kalɛp a ro yére Anak, yɛ̄ a rùhup tat vè Sheshai, na Ahiman tanga Talmai.

¹⁵Yi e hwomo a re nuyel, na a wɔ̀ ró bemât Debir. Ba kana yishi Debir à Kiriyat-Sɛfɛr.

¹⁶Ko Kalɛp a moklo, a ye, “Kawɛ mwat de ê re repomô Kiriyat-Sɛfɛr na como, ma rɔda nɔng ɛ hwóng hom Aksa, na a ra weneng o.”

¹⁷Ɔtniyɛl, hwêy gwa mɛ Kenas, a wɔ̀ to como, a re ɛn, ko Kalɛp a vɔk a nɔng ɛ hwóng mɛ Aksa, a ra weneng o.

¹⁸Jeng de Aksa a vɛ̄ hɛ na yɛ, ko Ɔtniyɛl a hwo hanat na yɛ wɔgɔ, a rangâl da mɛ cap cak. Jeng de hwā mo a gyirik yi e ra madung, ko da mɛ Kalɛp a rangal hɛ a ye, “E sɛ́ de ya té ɛ?”

¹⁹Ko a yang ɛ, “Di, hwà ga nɔng me hêy gbingiring, ko tik na hwo ra a me pyɛ ryat, na hwo nɔng me kwɔ̂n lel nshi arɔng.” Ko Kalɛp a nɔng ɛ nekwɔn nehak de na vɔk ɛ lel nshi e berahwol mwa tanga e vwel o.

²⁰Hemo ha sé bak vwel de ba nɔ̂ng rùhup Yuda na he se mɛn.

²¹Bapomo de ba sé bagat e yɛnɛ̂ vwel na Ɛdɔm e bak vwêl gbingiring e rwa batin a vet ngan: Kabzɛl, na Ɛdɛr, na Yagur,

²²na Kina, na Dimona, na Adada,

²³na Kɛdɛsh, na Hazor, na Itnan,

²⁴na Zif, na Tɛlɛm, na Bɛyalɔt,

²⁵na Hazor-Hadata, na Kɛriyɔt-Hɛzrɔn wɔgɔ, Hazor,

²⁶na Amam, na Shema, na Molada,

²⁷na Hazor-Gada, na Hɛshmɔn, na Bet-Pɛlɛt,

²⁸na Hazar Shuwal, na Bɛɛr-Sheba, na Biziyotiya,

²⁹na Baala, na Iyim, na Ɛzɛm,

³⁰na Ɛltɔlat, na Kesil, na Hɔrma,

³¹na Ziklak, na Madmana, na Sansana,

³²na Labawot, na Shilhim, na Ayin tanga Rimɔn. Mwa bapomo mo ba sé kuru baba na vɛ shabetat (29) tanga nebapomo mɛn.

³³Bapomô bak vwêl berahwol a vet ngan: Ɛshtawɔl, na Zora, na Ashna,

³⁴na Zanowa, na Ɛnganim, na Tapuwa, na Enam,

³⁵na Yarmut, na Adulam, na Soko, na Azeka,

³⁶na Shaarayim, na Aditaim, na Gedera tanga Gederotaim. Mwa bapomo mo ba sé kuru na vɛ banaas na nebapomo mɛn.

³⁷Bahak a vemo: Zenan, na Hadasha, na Migdal-Gat,

³⁸na Dilan, na Mizpa, na Yokteel,

³⁹na Lakish, na Boskat, na Ɛglɔn,

⁴⁰na Kabɔn, na Lakmas, na Kitlish,

⁴¹na Gederot, na Bet-Dagɔn, na Naama tanga Makeda. Mwa bapomo mo ba sé kuru na vɛ batyiimin na nebapomo mɛn.

⁴²Bahak a vemo: Libna, na Ɛtɛr, na Ashan,

⁴³na Ifta, na Ashna, na Nezip,

⁴⁴na Keyila, na Akzip tanga Maresha. Mwa bapomo mo ba sé shabatat tanga nebapomo mɛn.

⁴⁵Bahak a vemo: Ɛkrɔn tanga bapomo de ba sé e nɛn mɛ tanga nebapomo mɛn,

⁴⁶tanga mwa bapomo na nebapomo de na sé bagat na Ashdot yi e Ɛkrɔn vɔk e Gworep Tē.

⁴⁷Bahak a vemo: Ashdot na Gaza tanga bapomo de ba sé e nɛn rɛ tanga nebapomo vɛ, pere mɛ̀ mwa wɔ̀ ta e rɔt de ha sé yɛnɛ̂ vwel na Misra tanga vwâ rekwogôm Gworep Tē.

⁴⁸Bapomô bak vwêl beraku a vet ngan: Shamir, na Yatir, na Soko,

⁴⁹na Dana, na Kiriyat-Sana wɔgɔ, Debir,

⁵⁰na Anap, na Ɛshtɛmɔwa, na Anim,

⁵¹na Gɔshɛn, na Hɔlɔn tanga Gilo. Mwa bapomo mo ba sé kuru na hɛ hining tanga nebapomo mɛn.

⁵²Bahak a vemo: Arap, na Duma, na Eshan,

⁵³na Yanim, na Bet-Tapuwa, na Afɛka,

⁵⁴na Humta, na Kiriyat-Arba wɔgɔ, Hɛbrɔn tanga Ziyor. Mwa bapomo mo ba sé shabatat (9) tanga nebapomo mɛn.

⁵⁵Bahak a vemo: Mawon, na Karmɛl, na Zif, na Yuta,

⁵⁶na Yɛzrɛɛl, na Yɔkdɛyam, na Zanowa,

⁵⁷na Kayin, na Gibeya tanga Timna. Mwa bapomo mo ba sé kuru tanga nebapomo mɛn.

⁵⁸Bahak a vemo: Kalkul, na Bet-Zur, na Gɛdɔr,

⁵⁹na Maarat, na Bet-Anot tanga Ɛltɛkɔn. Mwa bapomo mo ba sé batyiimin na nebapomo mɛn.

⁶⁰Bahak a vemo: Kiriyat-Baal wɔgɔ, Kiriyat-Yɛyarim tanga Raba. Vemo ba sé baba na nebapomo mɛn.

⁶¹Bapomô bak hey a vet ngan: Bet-Araba, na Midin, na Sɛkaka,

⁶²na Nipshan, na Repomô Nevwashe tanga Ɛn-Gɛdi. Mwa bapomo mo ba sé batyiimin na nebapomo mɛn.

⁶³Ko BeYuda ba tɔk ró BeYebus — bemât Yɛrusalɛm wɛt. Yaga ano, BeYebus o ba re nuyel na sangal tanga BeYuda e dem hining o vey e remo.