Read berom Yɔshuwa 19 Bible Online

Yɔshuwa 19 - berom bible

Yɔshuwa 19

¹Masâ sesek o hê ba ha gaba e ra yerê Simɛyɔn. Bak o wo yére Simɛyɔn na rùhup yɛ wà sé e tê wo BeYuda.

²Wa kaba yi e Bɛɛr-Sheba, na Sheba, na Molada,

³na Hazar-Shuwal, na Bala, na Ɛzɛm,

⁴na Ɛltɔlat, na Bɛtul, na Hɔrma,

⁵na Ziklak, na Bet-Markabɔt, na Hazar-Susa,

⁶Bet-Lɛbawɔt tanga Sharukɛn — mwa bapomo mo ba sé kuru na vɛ batat tanga nebapomo mɛn.

⁷Bahak a vemo: Ayin, na Rimɔn, na Ɛtɛr tanga Ashan — bapomo banaas tanga nebapomo mɛn a vemo.

⁸E rwa batin, bak o wa nára wɛ pere wɔ e Baalat-Bɛɛr tanga Ramat-Nɛgɛf. Bak vwel o wò rùhup BeSimɛyɔn à wane.

⁹Bak vwêl BeSimɛyɔn wa sè e ji vwêl BeYuda, yaga vwêl Yuda ha sé rey o, ha dal pyɛ de yɛn e simo.

¹⁰Masâ sesek o hê tat ha gaba e vwɔ̂ yerê Zɛbulun na rùhup yɛ. Bak vwel o mwɛn wà wul Sarit.

¹¹Yi e hwomo, yɛnɛ̂ vwel o ha tút wɔ e bak ta vɔk e Marala, ha wɔ̀ ra Dabɛshɛt, ko ha wɔ̀ ra nɛk de wa sé e hagât Yɔknɛyam.

¹²Ko ha to yi e Sarit arɔng wɔ e bak rak, ha kwey e bak vwêl Kislot-Tabor, ha to pere vɔk e Daberat, ha tút mɛ̀ vɔk e Yafiya.

¹³Yi e hwomo, ha nára hɛ vɔk e Gat-Hɛfɛr na Ɛtkazin e rwa rak, ha pere mɛ̀ wɔ e Rimɔn, e kwɔn de ha doyo kwɔɔl vɔk e Neya.

¹⁴Yi e hwomo, yɛnɛ̂ vwel o ha to doyo vɔk e Hanatɔn, ha tala hɛ e nɛk Ifta-Ɛl.

¹⁵Bak vwel o wa wuna na Katat, na Nahalal, na Shimrɔn, na Idala tanga Bet-Lɛhɛm. Mwa bapomo mo ba sé kuru na vɛ baba tanga nebapomo mɛn.

¹⁶Bapomo vane na nebapomo mɛn ba sé e ji bak vwel de ba nɔ̂ng yerê Zɛbulun na rùhup yɛ.

¹⁷Masa na sesek hê naas ha gaba e vwɔ̂ yerê Isakar na rùhup yɛ.

¹⁸Bak vwel o mwɛn wa wuna na Yɛzrɛɛl, na Kɛsulɔt, na Shunɛm,

¹⁹na Hafarayim, na Shiyɔn, na Anaharat,

²⁰na Rabit, na Kishiyɔn Ɛbɛs,

²¹na Rɛmɛt, na Ɛn-Ganim na Ɛn-Hada tanga Bet-Pazɛs.

²²Yɛnɛ mo ha to wɔ̀ ra rak Tabor, na Shahazima tanga Bet-Shɛmɛsh, ko ha tala hɛ e Yɔrdan, Mwa bapomo mo ba sé kuru na vɛ batyiimin na nebapomo mɛn.

²³Bapomo vane na nebapomo mɛn ba sé e ji bak vwel de ba nɔ̂ng yerê Isakar na rùhup yɛ.

²⁴Masâ sesek o hê tungun ha gaba e vwɔ̂ yerê Ashɛr na rùhup yɛ.

²⁵Yɛnɛ̂ bak vwel o mwɛn ha wuna na Hɛlkat, na Hali, na Bɛtɛn, na Akshaf,

²⁶na Alam-Mɛlɛk, na Amat tanga Mishal, ko ha wul Karmɛl e bak ta na Shihor-Libnat arɔng.

²⁷Yi e hwomo, ha doyo vɔk e bak rak wɔ e Bet-Dagɔn, ko ha wɔ̀ ra bak vwêl BeZɛbulun na nɛk Ifta-Ɛl, ha re nuyel wɔ e rwa bato wɔ̀ sɛ̀ mɛ Bet-Ɛmɛk na Nɛyɛl. Ha to tá wɔ e Kabul e bak bato,

²⁸na Hɛbrɔn, na Rehop, na Hamɔn tanga Kana pere wɔ wul mɛ gbɔng repomô Sidɔn.

²⁹E hwomo yɛnɛ̂ vwel o ha to doyo vɔk e Rama, ko ha pere wɔ sɛ̀ gbɔng repomô Tur de ba gwɔrɔ na jwâ-pomo. E bama mo, ha doyo vɔk e Hosa, ko ha wɔ tala hɛ e Gworep Tē. Ha to wuna na Mahalap, na Akzip,

³⁰na Uma, na Afɛk tanga Rehop. Mwa bapomo mo ba sé kuru baba na vɛ baba mwa na nebapomo mɛn.

³¹Bapomo vane na nebapomo mɛn ba sé e ji bak vwel de ba nɔ̂ng yerê Ashɛr na rùhup yɛ.

³²Masa mo hê tyiimin ha wɛrɛ e vwɔ̂ yerê Naftali na rùhup yɛ.

³³Yɛnɛ̂ vwel mɛn ha yi e Hɛlɛf, vɔk e cɔgɔ̂t ouk e Zaananim, ha re nuyel vɔk e Adami-Nɛkɛp na Yabneel pere wɔ sɛ̀ mɛ Lakum, ko ha tala hɛ e Yɔrdan.

³⁴E hwomo, yɛnɛ̂ vwel o ha to doyo vɔk e bak ta vɔk e Aznɔt-Tabor, ha to nára hɛ yi e hwomo vɔk e Kukɔk, ha wɔ̀ ra bak vwêl BeZɛbulun e rwa batin, bak vwêl BeAshɛr e rwa ta, na Yuda wo Yɔrdan e rwa rak.

³⁵Bapomo mɛn de ba gwɔrɔ vɛ na jwâ-pomo vɛ à, Zidim, na Zɛr, na Hamat, na Rakat, na Kinɛrɛt,

³⁶na Adama, na Rama, na Hazor,

³⁷na Kɛdɛsh, na Ɛdirɛi, na Ɛn-Hazor,

³⁸na Yirɔn, na Migdal-Ɛl, na Hɔrɛm, na Bet-Anat tanga Bet-Shɛmɛsh. Mwa bapomo mo ba sé kuru na vɛ shabatat mwa na nebapomo mɛn.

³⁹Bapomo vane na nebapomo mɛn ba sé e ji bak vwel de ba nɔ̂ng yerê Naftali na rùhup yɛ.

⁴⁰Masa mo hê taama ha gaba e vwɔ̂ yerê Dan na rùhup yɛ.

⁴¹Yɛnɛ̂ bak o mwɛn ha wuna na Zora, na Ɛshtawɔl, na Ir-Shɛmɛsh,

⁴²na Shaalbim, na Ayalɔn, na Itla,

⁴³na Ɛlɔn, na Timna, na Ɛkrɔn,

⁴⁴na Ɛltɛkɛ, na Gibɛtɔn, na Baalat,

⁴⁵na Yehut, na Bene-Berak, na Gat-Rimɔn,

⁴⁶na Me-Yarkon tanga Rakɔn mwa a bak vwel de wa gwɔrɔ Yafo.

⁴⁷Bapomo vane mo na nebapomo mɛn ba sé e ji bak vwel de ba nɔng yerê Dan na rùhup yɛ. Ko vwel o hê yerê Dan ha hywit ɛ yi e vwɔ mɛn. Yaga ano, yɛn a sogo, ba nára hɛn, ko ba wɔ̀ to como na Lɛshɛm. Yɛn a sey ɛ hɛ, yɛn a wey na bemat o, ha tɛ́ ɛ mɛn, ko yɛn a sangal ɛ. Yɛn kwong ba vɛ̌ sege a hɛ rezâ Lɛshɛm, ko ba tâng hɛ à Dan e ra rezâ dâ yere mɛn.

⁴⁸

⁴⁹Jeng de ba ga yɛnɛ gâs vwel o, ko BeIsrayɛl ba nɔ̂ng Yɔshuwa Nun bak o hwak e tē mɛn.

⁵⁰Sede remo de Dagwi Darwey a kana nɔng nu, yɛn a nɔng ɛ repomo de a rangal rɛ, rɛ à Timna-Sɛrak, e bak berahwôl Ɛfrayim. A to lɔk rɛ, ko a sangal ɛ.

⁵¹Bebak vwel a vemo de ba gas a yére BeIsrayɛl yi na masâ sesek. A sé e Ɛlɛyazar, piris, na Yɔshuwa Nun, tanga bedanelɔ rùhup yére BeIsrayɛl de ba gas vɛ e rwi bûk sangâl Dagwi Darwey e Shilo.