Read bura-pabir 2 Samiwal 9 Bible Online

2 Samiwal 9 - bura-pabir bible

2 Samiwal 9

¹Vir laga Dauda ku yuwa abbər, “Mda aɗi na mbila akwa kutakəyir Shawulu ya? Ma aɗi I ata bara hara alari mdəkur kamnyar Jonathlan.”

²Buɗar kutakəyir Shawulu laga aɗi ka thləmari Ziba, antə mda pəla alari ka tsa ra wutə Dauda. Sakatə tsa ku mwari, antə kuthli ku yu ni abbər, “Ga an Ziba ya?” Antə Ziba shinau abbər, “I, Iya, zanuwa.”

³Kuthli ni ku yu ni, “Mda aɗi na mbila akwa kutakəyir Shawulu tə kəi hara alari mdəkur apatə I ku hara alkawal aka Hyel ya?” Ziba shinau abbər, “I, mda aɗi ku mbil pal akwa nca maɗa' Jonathlan. Tsa nggurdəkəi.”

⁴Antə kuthli pəla, “Tsa ama ri?” Antə Ziba pəla, “Tsa aviyar Makir ɓzər Ammiyel akwa Lodebar.”

⁵Antə Kuthli Dauda ku thlentə ka mdə səntə ɓzər kutakəyir Makir, na ɓzər Ammiyel, na ahar Lodebar ni.

⁶Sakatə Mefibosheth, ɓzər Jonathlan na kəkar Shawulu ku si, tsa pəpəi akəma Dauda ka nar səli. Dauda pəla, “Mefibosheth!” Antə tsa shinau, “Ka barkar nga zanuwa.”

⁷Dauda pəla alari, “Ga aɗiya thlivər wa, I ata hara mdəkur ala gə kamnyar baba' nga Jonathlan. I ata hamta ala gə shanga fakər kəkar nga Shawulu. Antə tədəku ga ata səma ata kəma duku ka iya.”

⁸Mefibosheth jaktə nggyarghəidzi ka pəla, “I wa ri tə ga ata hara mdəkur alari apani, I na aɗi təramta kila mtəmta wa.”

⁹Antə kuthli ku kəga Ziba buɗar Shawulu ka pəla, “I ku hamta aka Mefibosheth, kəkar mdərkəyir nga shanga su na ar Shawulu kəga kutakəyirni.

¹⁰Ga ka maɗashilər nga ka buɗayeri ar nga ata hara kəthlər ar fakər mdərkəyir nga Shawulu aka mjir kutakəyirni ka da wutə susəma. Amma ar Mefibosheth tsa ata səma ata tebərərna.” Ziba ka maɗashili kumnya ntəfu ka buɗayeri sərkumari.

¹¹Ziba shinau ka pəla, “I ata hara shanga su tə barkar nga ku tsawa.” Antə Mefibosheth ku səm ata tebərər kuthli tsu apa pal akwa nca maɗa' kuthli.

¹²Mefibosheth ka ɓzərni ka thləmari Mika. Shanga mjir kutakəyir Ziba ku ndzi buɗayeri ar Mefibosheth.

¹³Apani, Mefibosheth na nggurdəkəi ku ndzəndzi akwa Urushalima. Antə tsa ana səm shanga susəma arni ata tebər kuthli.