Read bura-pabir 2 Kuthlyayeri 11 Bible Online

2 Kuthlyayeri 11 - bura-pabir bible

2 Kuthlyayeri 11

¹Sakatə Athlaliya na mama' Ahaziya ku wuta abbər ɓzərni ku mti, antə tsa thlatə ka kurəmta shanga mji na rakər ndzi kuthli akwa kutakəyir kuthli.

²Amma Yehosheba na ngkwar kuthli Yoram, ngkwardar Ahaziya ku nggwar həlta Yowash na ɓzər Ahaziya kazhar nca maɗa' kuthli natə mda abaka tsəgəyari, ka vu ni ka mdər wul ɓzəngkyar ni akwa kutambwar pi, ka ɗuwar ni ta Athlaliya, antə mda aɗi tsi ni wa.

³Antə Yowash ku hara məva ngkwa adzə mwala ni, ɗuwarɗuwarari akwa mbwar MTHLAKU, akwa sakatə tsa na Athlaliya akwa hara kuthlikur ata kəra tsəɗi ni.

⁴Akwa məva na murfəkur ar kuthli Athlaliya, antə Yehoyada na prist ku kəga mji ol'ola ar Kerethli, ka mjir gadi ka da si akwa mbwar vəngkər səli aka MTHLAKU. Tsa mbwi alkawal ka da ka vu ɗa ka da kahyel akwa mbwar vəngkər səli aka MTHLAKU. Antə tsa ncanta ala ɗa Yowash na ɓzər Kuthli Ahaziya.

⁵Antə tsa tsawa ala ɗa abbər, “Nggədza su tə giri ata sə harari: Ma sakatə giri ku si akwa kəthlər Vir Ghərəmtaghəra, giri ata ndəkəidzi ka bwa makər, antə bwa pal ata sək kəra kəi kuthlikur.

⁶Bwa na dukwari ata səka nyarfur Sur, antə bwa na makərkur ni ata səka nyarfu na abwahila mjir gadi kəi kuthlikur.

⁷Bwayeri na suɗa na ku thlata akwa kəthlər Vir Ghərəmtaghəra, da ata sək kəra kuthli akwa mbwar vəngkər səli aka MTHLAKU.

⁸Giri ata kalaktə kuthli ni, kəlara mda ka kari mparni akwa tsiyari. Antə kəlara mdə na ku si kudzəha ka giri ka giri tsi ni. Ka giri ndzi ata vəi duku ka kuthli sakatə tsa ata ləɓəla ka sakatə tsa ata səvi.”

⁹Mji ol'olər mpa ni ku hara kalkal apatə Yehoyada na prist ku tsawa ala ɗa. Antə kəlara mji ku səntə mjir ɗa na ata dlu kəthlər Vir Ghərəmtaghəra, ata kəma duku ka mji na ata hartə kəthlər arɗa Vir Ghərəmtaghəra. Antə da ku si adzə Yehoyada na prist.

¹⁰Antə prist ni ku hamta aka mji ol'olər mpa ni, mwasayeri ka partauwayeri ar Kuthli Dauda na ku ndzi akwa mbwar vəngkər səli aka MTHLAKU.

¹¹Antə mjir gadi ni ku thləthlata, kəlara mda ka kari mparni akwa tsiyari, ka kalaktə bwa kəma mbwar vəngkər səli ka bagaɗi ni, akwa ɓəla kəra kuthli.

¹²Aghəla nda antə Yehoyada ku səɓəla ka Yowash ka tsangkər alari dzakwar kuthlikur, ka hamta alari tsawayeri. Antə da ku vəi ni kuthli, ka pungkər alari mal ar barkər. Tə da ɓu tsiya ɗa ka pəla, “Ka far kuthli fi!”

¹³Sakatə Athlaliya ku nggatə kuraka mjir gadi ka na ar mji ni, antə tsa ləmbwa adzə ɗa akwa mbwar MTHLAKU.

¹⁴Antə Athlaliya ha ncari təng tsa wutə kuthli bilən athləthlata akwa vəi thləthlatər kuthli, kudzəhə ka zhimbwal, apatə mdə ku tsəli kəgari, ka mji na ol'olər sojayeri, kəga mjir mbur təmbəl athləthlata adzə kuthli ni. Tsuwa shanga mambila mjir tsəɗi ni akwa hara kucali ka mbur təmbəlayeri. Sakatə Athlaliya wutə su ngəni, antə tsa thləhumta zhaɓərni, ka tuwa, akwa pəla, “Giri ku səm mdəkurərna! Giri ku səm mdəkurərna!”

¹⁵Antə Yehoyada na prist ni ku tsawa aka mji ol'ola na ata kəra sojayeri abbər, “Ləɓəla giri ka mwala ni akwa daɓwa layir sojayeri ni, ka giri thlamta wulya kəlara mdə na ku pəla tsa ata nu ni!” Kamnyar prist ni pəla, “Mda aɗiya tsi ni azi akwa kutambwar MTHLAKU ni wa.”

¹⁶Antə da ku ngkəi ni, ka mwantə ni akwa Nyarfur Taku na ata ləvəi akwa kəi kuthli ni, ka tsi ni anda.

¹⁷Antə Yehoyada ku vu tə Kuthli ka mjirni ku kətə alkawal abbər da ata ndzi mjir MTHLAKU, ka vu tə kuthli ni ka mjirni ku kətə alkawal akwa daɓwa ɗa tsuwa.

¹⁸Antə shanga mjir tsəɗi ni ku təra mwari akwa mbwar haptu Baal, ka ndlamta haptu ni, ka ɓəgələmta bagaɗiyayeri ar saɗakarni kəga shanga su na dludzər haptu, ka tsi Mattan na pristər Baal ni akəma bagaɗiyayeri ar hamta saɗaka ni. Antə Yehoyada na prist putə mjir wul kəra MTHLAKU ni.

¹⁹Antə Yehoyada kəgatə mji ol'olər mpa, ka mjir sək kəra kuthli, ka dakwaliyayeri, ka shanga mjir tsəɗi ni, ka vu ɗa tə da ra dlu kuthli ni akwa mbwar MTHLAKU. Antə da mwari ka səghəi ka Kuthli Yowash atar Nyarfur Mjir Gadi, akwa pwar ni ka mwar pu səl, ka mwantə ni akwa kəi kuthlikur. Antə tsa ku lətə dəkəl kuthlikur ka ndzi kuthlir ɗa.

²⁰Antə shanga mjir tsəɗi ni ku hara kucali. Antə mdə ku tsi Athlaliya ka katsakar akwa kəi kuthlikur. Antə Urushalima ku ndzi lapiya kula mpa.

²¹Yowash ka məvari murfa ka yarni, sakatə tsa baɗitə ndzi kuthli.