Read bura-pabir 1 Labar Na Waci 1 Bible Online

1 Labar Na Waci 1 - bura-pabir bible

1 Labar Na Waci 1

¹Adam an yaɓəla Seth, antə Seth yaɓəla Enosh,

²antə Enosh yaɓəla Kenan, antə Kenan yaɓəla Mahalalel, antə Mahalalel yaɓəla Yared,

³antə Yared yaɓəla Enok, antə Enok yaɓəla Methlusela, antə Methlusela yaɓəla Lamek, antə Lamek yaɓəla Nuhu,

⁴antə Nuhu yaɓəla Shem, ka Ham, ka Yafeth.

⁵Kəkayeri ar Yafeth an, mjir Gomer, ka Magog, ka Madai, ka Yavan, ka Tebal, ka Meshek, ka Tiras.

⁶Kəkayeri ar Gomer an, mjir Ashkenaz, ka Difath, ka Togarma.

⁷Kəkayeri ar Yavan an, mjir Elisha, ka Tarshish, ka Kittim, ka Rodanim.

⁸Kəkayeri ar Ham an, mjir Kush, ka Masar, ka Put, ka Kanana.

⁹Kəkayeri ar Kush an, mjir Seba, ka Havila, ka Sabta, ka Raama, ka Sabteka. Kəkayeri ar Raama an, mjir Sheba, ka Dedan.

¹⁰Kush an yaɓəla Nimrod, antə Nimrod ku kəla ka ndzi katsala na ola akwa duniya.

¹¹Antə Masar an kəkar, mjir Lud, ka mjir Anam, ka mjir Lehab, ka mjir Naftu,

¹²ka mjir Pathrus, ka mjir Kaslu, vəi tə mjir Filistiya səɓəla akwa, ka tsuwa mjir Kaftor.

¹³Antə Kanana ku yaɓəla Sidon, natə tsa an ɓzər sal na yarakəmarni, kambəla tsa ya Heth.

¹⁴Tsuwa Kanana an kəkar mjir Yebusi, ka mjir Amor, ka mjir Girgashi,

¹⁵ka mjir Hivi, ka mjir Arki, ka mjir Sini,

¹⁶ka mjir Arvad, ka mjir Zemari, ka mjir Hamath.

¹⁷Kəkayeri na maɗashili ar Shem an, Elam, ka Asshur, ka Arpakshad, ka Lud, ka Aram, ka Uz, ka Hul, ka Gethler, ka Mash.

¹⁸Arpakshad an yaɓəla Shela, tsuwa Shela an yaɓəla Eber.

¹⁹Eber ku yaɓəla maɗashili suɗa. Thləma ɓzərni na yarakəma an Peleg, kamnyar akwa sakarni antə mdə ndəkəi duniya. Tsuwa thləma ɓzərma'ni an Yoktan.

²⁰Antə Yoktan ku yaɓəla Almodad, ka Shelef, ka Hazarmaveth, ka Yera,

²¹ka Hadoram, ka Uzal, ka Dikla,

²²ka Ebal, ka Abimayel, ka Sheba

²³ka Ofir, ka Havila, ka Yobab. Shanga mji nayeri ni kəkayeri ar Yoktan.

²⁴Antə mjir nyarmbwa na baɗita ata Shem ka mwantə ka Ibrahim an, Shem, ka Arpakshad, ka Shela,

²⁵ka Eber, ka Peleg, ka Reyu,

²⁶ka Serug, ka Nahor, ka Tera,

²⁷ka Ibram na an Ibrahim.

²⁸Maɗashilər Ibrahim an, Ishaku ka Ishmayel.

²⁹Nggədza thləma maɗashilər Ishmayel. Nebayoth natə tsa an yarakəmar Ishmayel, ka Kedar, ka Adbeyel, ka Mibsam,

³⁰ka Mishma, ka Duma, ka Massa, ka Hadad, ka Tema,

³¹ka Yetur, ka Nafish, ka Kedema. Da an maɗa' Ishmayel.

³²Maɗashili natə Ketura, watau mwala mafa tə Ibrahim kətə ni, yaɓəla aka Ibrahim an, Zimran, ka Yokshan, ka Medan, ka Midiyan, ka Ishbak, ka Shuwa. Maɗashilər Yokshan tsuwa an, Sheba ka Dedan.

³³Maɗashilər Midiyan tsuwa an, Efa, ka Efer, ka Hanok, ka Abida, ka Eldaa. Shanga mji ngənayeri ni kəkar Ketura.

³⁴Ibrahim an yaɓəla Ishaku. Maɗashili natə Ishaku yaɓəla an, Isuwa ka Israila.

³⁵Maɗashilər Isuwa an, Elifaz, ka Reyuwel, ka Yewush, ka Yalam, ka Kora.

³⁶Maɗashilər Elifaz an, Tema, ka Omar, ka Zefo, ka Gatam, ka Kenaz, ka Timna, ka Amalek.

³⁷Maɗashilər Reyuwel an, Nahath, ka Zera, ka Shamma, ka Mizza.

³⁸Maɗashilər Seyir an Lotan, ka Shobal, ka Zibeyon, ka Ana, ka Dishon, ka Ezer, ka Dishan.

³⁹Maɗashilər Lotan an, Hori ka Homan. Tsuwa ngkwarma' Lotan ni aɗi ka thləmari Timna.

⁴⁰Maɗashilər Shobal an, Alyan, ka Manahath, ka Ebal, ka Shefi, ka Onam. Maɗashilər Zibeyon an, Aiya ka Ana.

⁴¹Ɓzər Ana an Dishon. Maɗashilər Dishon an, Hemdan, ka Eshban, ka Ithran, ka Keran.

⁴²Maɗashilər Ezer an, Bilhan, ka Zaavan, ka Akan. Maɗashilər Dishan an, Uz ka Aran.

⁴³Nayeri ni an kuthlyayeri na ku hara kuthlikur ata kəra tsəɗi Edom akəmata mda abaɗitə wutə kuthli akwa Israila. Bela na ɓzər Beyor, na hara kuthlikur ahar Dinhaba.

⁴⁴Sakatə Bela ku mti, antə Yobab na ɓzər Zera ahar Bozra ku dlu tsiyari, ka ndzi kuthli.

⁴⁵Sakatə Yobab ku mti, antə Husham na akwa tsəɗiyir Teman ku dlu tsiyari, ka ndzi kuthli.

⁴⁶Sakatə Husham ku mti, antə Hadad na ɓzər Bedad, na səm mjir Midiyan akwa mpa akwa tsəɗi Mowab ni, ku dlu tsiyari, ka ndzi kuthli. Tsa hara kuthlikurərni ahar Avith.

⁴⁷Sakatə Hadad ku mti, antə Samla na ahar Masreka ku dlu tsiyari ka ndzi kuthli.

⁴⁸Sakatə Samla ku mti, antə Shawulu ahar Rehoboth ata mnya Thlyagha Yufiretis ku dlu tsiyari ka ndzi kuthli.

⁴⁹Sakatə Shawulu ku mti, antə Baal Hanan na ɓzər Akbor ku dlu tsiyari ka ndzi kuthli.

⁵⁰Sakatə Baal Hanan ku mti, antə Hadad ku dlu tsiyari ka ndzi kuthli. Tsa hara kuthlikurərni ahar Pai. Tsuwa thləma mwalankiɗa an Mehetabel, ngkwar Matred na ngkwar Mezahab.

⁵¹Hadad tsuwa ku mti. Antə kuthlyayeri ar Edom an Timna, ka Aliya, ka Yethleth,

⁵²ka Oholibama, ka Ela, ka Pinon,

⁵³ka Kenaz, ka Teman, ka Mibzar,

⁵⁴ka Magdiyel, ka Iram. Ngənayeri ni an kuthlyayeri ar Edom.