Read bura-pabir 1 Labar Na Waci 2 Bible Online

1 Labar Na Waci 2 - bura-pabir bible

1 Labar Na Waci 2

¹Nayeri ni an maɗashilər Israila, Ruben, ka Simeyon, ka Lawi, ka Yahuda, ka Issakar, ka Zebulun,

²ka Dan, ka Yusuf, ka Benjamin, ka Naftali, ka Gad, ka Asher.

³Maɗashilər Yahuda an, Er, ka Onan, ka Shela. Maɗa' ngəni makər ni shang mwalankiɗa Bathshuwa na ngkwar Kanana an yaɓəla ɗa alari. Amma Er na yarakəmar Yahuda ku hara kəmanggarkur akəma MTHLAKU antə MTHLAKU ku tsi ni.

⁴Tamar na mwala' ɓzər Yahuda ku yaɓəla alari Perez ka Zera. Purəm purəmari Yahuda ka maɗashili ntəfu.

⁵Maɗashilər Perez an, Hezron ka Hamul.

⁶Maɗashilər Zera an, Zimri, ka Ethlan, ka Heman, ka Kalkol, ka Dara, purəm purəmari da ntəfu.

⁷Ɓzər Karmi an, Akan, mdə na pwasəngkər bwani aka mjir Israila atar fa kari tə mdə pəla ka mdə hilanta.

⁸Ɓzər Ethlan an, Azariya.

⁹Maɗashilər Hezron an, Yerameyel, ka Ram, ka Kaleb.

¹⁰Nyarmbwa na thləla ata Ram ka mwanta aka Yesse an apani, Ram an yaɓəla Amminadab, Amminadab an yaɓəla Nashon na olər mjir Yahuda.

¹¹Nashon an yaɓəla Salmon, Salmon an yaɓəla Bowaz,

¹²Bowaz an yaɓəla Obed, Obed an yaɓəla Yesse.

¹³Yesse an yaɓəla Eliyab ɓzərni na yarakəmari. Ɓzərni na suɗkur an Abinadab, ɓzər na makərkur an Shimeya,

¹⁴na nfwarkur an Nethlanel, na ntəfkur an Raddai,

¹⁵na ngkwakur an Ozem, ka tsuwa na murfəkur an Dauda.

¹⁶Maɗama' ɗa na maɗangkwi an Zeruwiya ka Abigyal. Maɗashili makər na ar Zeruwiya an Abishai, ka Yowab, ka Asahel.

¹⁷Abigyal an mama' Amasa natə baba'ni an Yethler na mdər Ishmayel.

¹⁸Kaleb na ɓzər Hezron ku yatsə maɗangkyar ka na mwankirni suɗə ni, watau Azuba ka Yeriyoth. Thləma maɗashilərni atar Azuba an Yesher, ka Shobab, ka Ardon.

¹⁹Sakatə Azuba ku mti antə Kaleb ku kəl mwala damwa Efrathla, na ku yaɓəla alari Hur.

²⁰Antə Hur ku yaɓəla alari Uri, antə Uri ku yaɓəla Bezalel.

²¹Aghəla tə Hezron ku hara məva ngkwakumari antə tsa kəl ngkwarma' Gileyad na ɓzər Makir. Hezron ku ləmbwa adzə ngkwa ni, antə ngkwa ni ku yaɓəla alari ɓzər sal ka thləmari Segub.

²²Segub an yaɓəla Yayir na hara kuthlikur ata kəra diyayeri sərkumari ka makər akwa tsəɗi Gileyad.

²³Amma Geshur ka Aram ku dluɓəla diyayeri ar Yayir, ka Kenath ka diyayeri ngkwakumari na kalaktə ni. Shanga mji nayeri ni an mjir nyarmbwar Makir na baba' Gileyad.

²⁴Aghəla tə Hezron ku mti akwa Kaleb Efrathla, antə Abija na mwala' Hezron ku yaɓəla alari Ashur, na nthlə Tekowa.

²⁵Maɗashilər Yerameyel ɓzər sal na yarakəmar Hezron an, Ram na yarakəmari, ka Buna, ka Oren, ka Ozem, ka Ahija.

²⁶Antə Yerameyel jaktə kəl mwala damwa ka thləmari Atara, tsa an mama' Onam.

²⁷Maɗashilər Ram na yarakəma Yerameyel an, Maaz, ka Yamin, ka Eker.

²⁸Maɗashilər Onam an, Shammai ka Yada. Maɗashilər Shammai an, Nadab ka Abishur.

²⁹Thləma mwala' Abishur ni an Abihayil, antə tsa yaɓəla alari Ahban ka Molid.

³⁰Maɗashilər Nadab an, Seled ka Appayim. Seled ku mti kula wutə ɓzər.

³¹Ɓzər Appayim an, Ishi, na yaɓəla Sheshan. Sheshan ku yaɓəla Ahlai.

³²Maɗashilər Yada na ɓzərma' Shammai an, Yethler ka Jonathlan. Yethler ku mti kula wutə ɓzər.

³³Maɗashilər Jonathlan an, Peleth ka Zaza. Mji ngənayeri ni an mjir nyarmbwar Yerameyel.

³⁴Sheshan aɗi ka maɗashili wa, tar maɗangkwi. Amma tsa ka buɗa laga na mdər Masar ka thləmari Yarha.

³⁵Antə Sheshan ku hamta ngkwarni aka buɗarni Yarha ka tsa kəla. Antə tsa ku yaɓəla alari ɓzər sal Attai.

³⁶Attai an yaɓəla Nathlan. Antə mjir nyarmbwarni na thləla ata tsa har ka mwanta aka Elishama an apani, Nathlan an yaɓəla Zabad,

³⁷Zabad an yaɓəla Eflal, Eflal an yaɓəla Obed,

³⁸Obed an yaɓəla Yehu, Yehu an yaɓəla Azariya,

³⁹Azariya an yaɓəla Helez, Helez an yaɓəla Eleyasa,

⁴⁰Eleyasa an yaɓəla Sismai, Sismai an yaɓəla Shallum,

⁴¹Shallum an yaɓəla Yekamiya, Yekamiya an yaɓəla Elishama.

⁴²Ngəni an thləma maɗashilər Kaleb na ɓzərma' Yerameyel. Mesha an yarakəma, tsuwa tsa an yaɓəla Zif. Zif an yaɓəla Maresha, na nthlə Hebron.

⁴³Maɗashilər Hebron an, Kora, ka Tappuwa, ka Rekem, ka Shema.

⁴⁴Shema an yaɓəla Raham, antə Raham an yaɓəla Yorkeyam. Rekem an yaɓəla Shammai,

⁴⁵Shammai an yaɓəla Mawon, antə Mawon an kəka nggilang ar Bethzur.

⁴⁶Antə mwala mafa na ka thləmari Efa tə Kaleb kətə ni yaɓəla Haran, ka Moza, ka Gazez. Antə Haran an yaɓəla Gazez.

⁴⁷Maɗashilər Yahdai an, Regem, ka Yothlam, ka Geshan, ka Pelet, ka Efa, ka Shaaf.

⁴⁸Antə mwala mafa na ka thləmari Maaka tə Kaleb kətə ni an yaɓəla Sheber ka Tirhana.

⁴⁹Tsuwa tsa an yaɓəla Shaaf na nthlə Madmanna, ka Sheva na nthlə Makbena ka Gibeya. Tsuwa ngkwar Kaleb laga aɗi ka thləmari Aksa.

⁵⁰Nayeri ni an mjir nyarmbwar Kaleb. Hur an ɓzər sal na yarakəmar Efrathla na mwala' Kaleb. Antə maɗashilər Hur an Shobal na nthlə Kiriyath Yeyarim,

⁵¹ka Salma na nthlə Bethlelehem, ka Haref na nthlə Bethgader.

⁵²Mjir nyarmbwar Shobal na nthlə Kiriyath Yeyarim an, Harowe, ka retar mjir Menuhoth,

⁵³ka nyarmbwayeri na akwa ndzi akwa Kiriyath Yeyarim, watau mjir Ithliri, ka mjir Puthli, ka mjir Shumathli, ka mjir Mishraiti. Akwa nyarmbwayeri ngəni antə mjir Zorathli ka mjir Eshtawol səɓəla.

⁵⁴Mjir Nyarmbwar Salma na nthlə Bethlelehem an, mjir Netofa, ka mjir Atroth Beth Yowab, ka retar mjir nyarmbwar Manahath, natə da an mjir Zora,

⁵⁵ka nyarmbwar mjir rəbuta na ka ndzi ahar Yabez, watau mjir Tirath, ka mjir Shimeyath, ka mjir Sukath. Na ngənayeri ni an kəkayeri ar Hamath na mdər Keni na kəkar mjir Rekab.