Read bura-pabir 1 Labar Na Waci 25 Bible Online

1 Labar Na Waci 25 - bura-pabir bible

1 Labar Na Waci 25

¹Antə Dauda, ka mji ol'olər Lawi na ana kəthlər akwa mbwar Hyel ni, tsaptədzi ka carɓəla mji laga akwa nca maɗa' Asaf, ka ar Heman, ka ar Yeduthlun, kamnyar pwara akwa sakar vəngkər səli. Da ata ngkər labar ar Hyel, ka mdə tsangkir yakandi, ka guləm, ka liyar ɓu tsi. Nggədza thləma mji tə mdə carɓəla kamnyar hara kəthlər ngəni ni.

²Akwa nca maɗashilər Asaf: mdə carɓəla Zakkur, ka Yusuf, ka Nethlaniya, ka Asarela. Antə da ku hara kəthlər akira baba' ɗa Asaf na akwa ngkər ndərər Hyel akwa kəlara sakatə kuthli ku tsawa alari.

³Akwa nca maɗashilər Yeduthlun: mdə carɓəla Gedaliya, ka Zeri, ka Yeshaiya, ka Shimeyi, ka Hashabiya, ka Mattithliya, da ngkwa. Antə da ku hara kəthlər akira baba' ɗa Yeduthlun, na ana hara naɓikur, ka tsangkir guləm akwa usar MTHLAKU, ka fwal ni akwa ha.

⁴Akwa nca maɗashilər Heman: mdə carɓəla Bukkiya, ka Mattaniya, ka Uzziyel, ka Shebuwel, ka Yerimoth, ka Hananiya, ka Hanani, ka Eliyathla, ka Giddalti, ka Romamti Ezer, ka Yoshbekasha, ka Mallothli, ka Hothlir, ka Mahaziyoth.

⁵Shanga ɗa an maɗa' Heman na mdər wulsu aka kuthli. Hyel hamta alari maɗashili ngəni kamnyar nghyaɓəla alkawal tə tsa kəta aka Heman abbər tsa ata haptə səliyirni. Antə Hyel ku hamta alari maɗashili kumnya nfwar ka maɗangkwi makər.

⁶Antə shanga maɗashili ngəni ku hara kəthlər akira baba' ɗa, akwa hayeri akwa mbwar MTHLAKU. Da ana tsa liyar ɓu tsi, kəga guləm, kəga yakandi akwa sakar vəngkər səli akwa mbwar Hyel. Antə Asaf, ka Yeduthlun, ka Heman ana hara kəthlərayeri ngəni apatə kuthli ku tsawa ala ɗa.

⁷Antə shanga mji ngəni ata kəma duku kəga maɗada' ɗa, mdə ku thlipta ala ɗa lakur hara ha na msəra aka MTHLAKU. Antə hangkur shanga ɗa na masəku akwa ha ni an mji aru suɗa ka nciskumari ka ncisu.

⁸Mdə carɓəla mjir ha nayeri ni atar ndzəh kuriya. Tsuwa shanga mji an ndzəh kuriya ni, mji ol'ola kəga maɗangkyar, maləmayeri kəga maɗa' makaranta.

⁹Antə kuriya na ntangkəma na ar Asaf ni mwari aka Yusuf, ka maɗashilərni, kəga yangkurari, da kumnya suɗa. Na suɗkur mwari aka Gedaliya, ka maɗashilərni, kəga yangkurari, da kumnya suɗa.

¹⁰Na makərkur mwari aka Zakkur, ka maɗashilərni, kəga yangkurari, da kumnya suɗa.

¹¹Na nfwarkur mwari aka Izri, ka maɗashilərni, kəga yangkurari, da kumnya suɗa.

¹²Na ntəfkur mwari aka Nethlaniya, ka maɗashilərni, kəga yangkurari, da kumnya suɗa.

¹³Na ngkwakur mwari aka Bukkiya, ka maɗashilərni, kəga yangkurari, da kumnya suɗa.

¹⁴Na murfəkur mwari aka Yesarela, ka maɗashilərni, kəga yangkurari, da kumnya suɗa.

¹⁵Na nciskur mwari aka Yeshaiya, ka maɗashilərni kəga yangkurari, da kumnya suɗa.

¹⁶Na əmdləkur mwari aka Mattaniya, ka maɗashilərni, kəga yangkurari, da kumnya suɗa.

¹⁷Na kumkur mwari aka Shimeyi, ka maɗashilərni, kəga yangkurari, da kumnya suɗa.

¹⁸Na kumkantangkur mwari aka Azarel, ka maɗashilərni, kəga yangkurari, da kumnya suɗa.

¹⁹Na kumnya suɗkur mwari aka Hashabiya, ka maɗashilərni, kəga yangkurari, da kumnya suɗa.

²⁰Na kumnya makərkur mwari aka Shubayel, ka maɗashilərni, kəga yangkurari, da kumnya suɗa.

²¹Na kumnya nfwarkur mwari aka Mattithliya, ka maɗashilərni, kəga yangkurari, da kumnya suɗa.

²²Na kumnya ntəfkur mwari aka Yerimoth, ka maɗashilərni, kəga yangkurari, da kumnya suɗa.

²³Na kumnya ngkwakur mwari aka Hananiya, ka maɗashilərni, kəga yangkurari, da kumnya suɗa.

²⁴Na kumnya murfəkur mwari aka Yoshbekasha, ka maɗashilərni, kəga yangkurari, da kumnya suɗa.

²⁵Na kumnya nciskur mwari aka Hanani, ka maɗashilərni, kəga yangkurari, da kumnya suɗa.

²⁶Na kumnya əmdləkur mwari aka Mallothli, ka maɗashilərni, kəga yangkurari, da kumnya suɗa.

²⁷Na sərkumarkur mwari aka Eliyathla, ka maɗashilərni, kəga yangkurari, da kumnya suɗa.

²⁸Na sərkumari kantangkur mwari aka Hothlir, ka maɗashilərni, kəga yangkurari, da kumnya suɗa.

²⁹Na sərkumari ka suɗkur mwari aka Giddalti, ka maɗashilərni, kəga yangkurari, da kumnya suɗa.

³⁰Na sərkumari ka makərkur mwari aka Mahaziyoth, ka maɗashilərni, kəga yangkurari, da kumnya suɗa.

³¹Na sərkumari ka nfwarkur mwari aka Romamti Ezer, ka maɗashilərni, kəga yangkurari, da kumnya suɗa.