Read bura-pabir 1 Labar Na Waci 6 Bible Online

1 Labar Na Waci 6 - bura-pabir bible

1 Labar Na Waci 6

¹Maɗashilər Lawi an, Gershon, ka Kohath, ka Merari.

²Maɗashilər Kohath an, Amram, ka Izhar, ka Hebron, ka Uzziyel.

³Maɗashilər Amram an, Haruna, ka Musa, ka Maryamu. Maɗashilər Haruna an, Nadab, ka Abihu, ka Eleyazar, ka Ithlamar.

⁴Eleyazar an yaɓəla Finehas, Finehas an yaɓəla Abishuwa,

⁵Abishuwa an yaɓəla Bukki, Bukki an yaɓəla Uzzi,

⁶Uzzi an yaɓəla Zerahiya, Zerahiya an yaɓəla Meraiyoth.

⁷Meraiyoth an yaɓəla Amaliya, Amaliya an yaɓəla Ahitub,

⁸Ahitub an yaɓəla Zadok, Zadok an yaɓəla Ahimaaz,

⁹Ahimaaz an yaɓəla Azariya, Azariya an yaɓəla Yahwanan,

¹⁰Yahwanan an yaɓəla Azariya. Tsuwa Azariya ku ndzi prist akwa mbwar vəngkər səli tə Solaman hənta ahar Urushalima ni.

¹¹Azariya an yaɓəla Amaliya, Amaliya an yaɓəla Ahitub,

¹²Ahitub an yaɓəla Zadok, Zadok an yaɓəla Shallum,

¹³Shallum an yaɓəla Hilkiya, Hilkiya an yaɓəla Azariya,

¹⁴Azariya an yaɓəla Seraiya, Seraiya an yaɓəla Yehozadak.

¹⁵Antə mdə ku kətə Yehozadak ka mwanta akwa mafakur, akwa sakatə MTHLAKU hara tə mdə fatə mjir Yahuda ka Urushalima ka mwanta akwa mafakur akwa tsəɗi damwa atar tsiya Kuthli Nebukadnezzar.

¹⁶Maɗashilər Lawi an, Gershon, ka Kohath, ka Merari.

¹⁷Nggədza thləma maɗashilər Gershon, Libni ka Shimeyi.

¹⁸Maɗashilər Kohath an, Amram, ka Izhar, ka Hebron, ka Uzziyel.

¹⁹Maɗashilər Merari an, Mahli ka Mushi. Nggədza thləma mjir nyarmbwar Lawi tə mdə jikata atar kəkayeri arɗa.

²⁰Maɗashili na kəkar Gershon an, Libni, ka Yehath, ka Zimma,

²¹ka Yowa, ka Iddo, ka Zera, ka Yeyathlərai.

²²Maɗashili na kəkar Kohath an, Amminadab, ka Kora, ka Assir,

²³ka Elkana, Ebiyasaf, ka Assir,

²⁴ka Tahath, ka Uriyel, ka Uzziya, ka Shawulu.

²⁵Maɗashilər Elkana an, Amasai ka Ahimoth.

²⁶Maɗashili na kəkar Ahimoth an, Elkana, ka Zofai, ka Nahath,

²⁷ka Eliyab, ka Yeroham, ka Elkana.

²⁸Maɗashilər Samiwal an, Yowel na yarakəma, ka Abija ɓzər sal na suɗkur.

²⁹Maɗashili na kəkar Merari an, Mahli, ka Libni, Shimeyi, ka Uzza,

³⁰ka Shimeya, Haggiya, ka Asaiya.

³¹Mji nayeri ni an mji tə Dauda pwi ka da ndzi mjir wul wujir su tsa tsa akwa mbwar MTHLAKU, aghəla tə mdə ku vəi Akwati Alkawal anda.

³²Da an mjir hara ha akwa Tentər Kəɓa akəmata Solaman ahənta mbwar vəngkər səli aka MTHLAKU akwa Urushalima. Da ana hara kəthlər arɗa apatə mdə ku thlamta ala ɗa.

³³Nggədza thləma mji na hara kəthlər ni ata kəma duku kəga maɗashilər ɗa. Akwa kutakəyir Kohath an, Heman na mdər tsa su, tsa an ɓzər Yowel na ɓzər Samiwal,

³⁴na ɓzər Elkana, na ɓzər Yeroham, na ɓzər Eliyel, na ɓzər Towa,

³⁵na ɓzər Zuf, na ɓzər Elkana, na ɓzər Mahath, na ɓzər Amasai,

³⁶na ɓzər Elkana, na ɓzər Yowel, na ɓzər Azariya, na ɓzər Zafaniya,

³⁷na ɓzər Tahath, na ɓzər Assir, na ɓzər Ebiyasaf, na ɓzər Kora,

³⁸na ɓzər Izhar, na ɓzər Kohath, na ɓzər Lawi, na ɓzər Israila.

³⁹Tsuwa darshir Heman aɗi laga ka thləmari Asaf, na ana dlar ni abwa mazəm. Asaf an ɓzər Berekiya, na ɓzər Shimeya,

⁴⁰na ɓzər Mikayel, na ɓzər Baaseya, na ɓzər Malkiya,

⁴¹na ɓzər Ethni, na ɓzər Zera, na ɓzər Adaiya,

⁴²na ɓzər Ethlan, na ɓzər Zimma, na ɓzər Shimeyi,

⁴³na ɓzər Yahath, na ɓzər Gershon, na ɓzər Lawi.

⁴⁴Abwa matsəkarari tsuwa darshirni laga aɗi na səɓəla akwa kutakəyir Merari. Tsa an Ethlan na ɓzər Kishi, na ɓzər Abdi, na ɓzər Malluk,

⁴⁵na ɓzər Hashabiya, na ɓzər Amaziya, na ɓzər Hilkiya,

⁴⁶na ɓzər Amzi, na ɓzər Bani, na ɓzər Shemer

⁴⁷na ɓzər Mahli, na ɓzər Mushi, na ɓzər Merari, na ɓzər Lawi.

⁴⁸Mambila maɗama' ɗa, mdə pu ɗa akwa mambila kəthlərayeri damwa na akwa mbwar vəngkər səli aka Hyel ni.

⁴⁹Ar Haruna ka maɗashilərni, da an mjir hamta saɗakayeri ata bagaɗiyir hamta saɗaka mbamba ka ata bagaɗiyir hamta saɗakar sur shiwura. Da an mjir hara kəlara kəthlər na ku tsəkwar Vəi na Ɓɗakkarkara ta Shang. Da ana hamta saɗakar kələmta watsəɓər biku ar mjir Israila, kalkal apatə Musa na mafar Hyel ku tsawa.

⁵⁰Nayeri ni an maɗashili na kəkar Haruna, Eleyazar, ka Finehas, ka Abishuwa,

⁵¹ka Bukki, ka Uzzi, ka Zerahiya,

⁵²ka Meraiyoth, ka Amaliya, ka Ahitub,

⁵³ka Zadok, ka Ahimaaz.

⁵⁴Nayeri ni an vəyayeri tə mdə hamta aka kəkayeri ar Haruna na akwa nyarmbwar Kohath, kamnyar da an kutakəi na ntangkəma na dlu bwar tsəɗiyir ɗa akwa tsəɗi tə mdə hamta aka mjir Lawi.

⁵⁵Antə mdə ku hamta ala ɗa Hebron akwa tsəɗi Yahuda ka shanga vəi ɓəla na kalaktə ni.

⁵⁶Amma shanga mtakəu kəga diyayeri na kalaktə bərni ni, mdə hamta aka Kaleb na ɓzər Yefunne.

⁵⁷Apani antə mdə ku hamta bərniyayeri ar ɗuwardzi kəga shanga vəi ɓəla na kalaktə bərniyayeri ni aka Haruna. Bərniyayeri ni an Hebron, ka Libna, ka Yattir, ka Eshtemowa,

⁵⁸ka Hilen, ka Debir,

⁵⁹ka Ashan, ka Yutta, ka Beth Shemesh, shang ata kəma duku kəga vəi ɓəlar ɗa.

⁶⁰Akwa kuta bwar tsəɗi tə mdə hamta aka mjir nyarmbwar Benjamin, mdə thlaɓəla ala ɗa Geba ka vəi ɓəla arni, ka Alemeth ka vəi ɓəlarni, ka Anathloth ka vəi ɓəlarni. Antə shanga bərniyayeri tə mdə hamta aka mjir nyarmbwar Kohath an kumnya makər.

⁶¹Tsuwa mdə ku hamta aka mambila mjir nyarmbwar Kohath bərniyayeri kuma tə mdə thlaɓəla akwa bwar mjir nyarmbwar Manasse na abwar ramta, atar ndzəh kuriya.

⁶²Aka kəkayeri ar Gershon, mdə ndəkəmta ala ɗa bərniyayeri kumnya makər ata kutakəi ata kutakəi. Mdə thlaɓəla bərniyayeri ngəni akwa kuta bwar mjir nyarmbwar Issakar, ka Asher, ka Naftali, ka mjir nyarmbwar Manasse na akwa Bashan.

⁶³Aka kəkayeri ar Merari, mdə ndəkəmta ala ɗa bərniyayeri kumnya suɗa ata nyarmbwa ata nyarmbwa. Mdə thlaɓəla bərniyayeri ngəni akwa kuta bwar mjir nyarmbwar Ruben, ka Gad ka mjir nyarmbwar Zebulun.

⁶⁴Apani antə mjir Israila ku hamta bərniyayeri ngəni kəga vəi ɓəla arɗa aka mjir Lawi.

⁶⁵Mdə hamta shanga bərniyayeri ngəni tə mdə kamnya thləma ɗa amta ni atar ndzəh kuriya. Tsuwa mdə thlaɓəla bərniyayeri ngəni akwa kuta bwar mjir nyarmbwar Yahuda, ka Simeyon, ka mjir nyarmbwar Benjamin.

⁶⁶Mjir kutakəyir Kohath laga aɗi tsuwa natə mdə hamta ala ɗa diyayeri tə mdə thlaɓəla akwa bwar mjir nyarmbwar Ifrayim.

⁶⁷Mdə hamta ala ɗa Shekem na akwa tsəɗi garayeri ar Ifrayim, ka vəi ɓəlarni. Shekem an pal akwa nca bərniyayeri ar ɗuwardzi. Tsuwa mdə ku hamta ala ɗa Gezer ka vəi ɓəlarni,

⁶⁸ka Yokmeyam ka vəi ɓəlarni, ka Beth Horon ka vəi ɓəlarni,

⁶⁹ka Ayalon ka vəi ɓəlarni, ka Gath Rimmon ka vəi ɓəlarni.

⁷⁰Tsuwa mdə ku thlaɓəla bwa laga akwa bwar mjir nyarmbwar Manasse na abwar ramta, ka hamta aka mambila mjir kutakəyir Kohath. Mdə hamta ala ɗa Aner ka vəi ɓəlarni, ka Bileyam ka vəi ɓəlarni.

⁷¹Tsuwa mdə ku thlaɓəla diyayeri laga akwa bwar mjir nyarmbwar Manasse na abwar raghəi ka hamta aka mjir kutakəyir Gershon. Diyayeri ngəni an Golan na akwa Bashan ka vəi ɓəlarni, ka Ashtaroth ka vəi ɓəlarni.

⁷²Tsuwa akwa kuta bwar mjir nyarmbwar Issakar, mdə hamta ala ɗa Kedesh ka vəi ɓəlarni, ka Daberath ka vəi ɓəlarni,

⁷³ka Ramoth ka vəi ɓəlarni, ka Anem ka vəi ɓəlarni.

⁷⁴Tsuwa akwa kuta bwar mjir nyarmbwar Asher, mdə hamta ala ɗa Mashal ka vəi ɓəlarni, ka Abdon ka vəi ɓəlarni,

⁷⁵ka Hukok ka vəi ɓəlarni, ka Rehob ka vəi ɓəlarni.

⁷⁶Tsuwa akwa kuta bwar mjir nyarmbwar Naftali, mdə hamta ala ɗa Kedesh na akwa Galili ka vəi ɓəlarni, ka Hammon ka vəi ɓəlarni, ka Kiriyathlayim ka vəi ɓəlarni.

⁷⁷Mambila mjir kutakəi na akwa nyarmbwar Merari, mdə thlaɓəla diyayeri laga akwa bwar mjir nyarmbwar Zebulun, ka hamta ala ɗa. Diyayeri ngəni an Rimmono ka vəi ɓəlarni, ka Tabor ka vəi ɓəlarni.

⁷⁸Tsuwa akwa bwar mjir nyarmbwar Ruben na abwar raghəi ka Thlyagha Jodan, aɓəla bwanda Yariko, mdə ku thlaɓəla ala ɗa Bezer na akwa mtakəu ka vəi ɓəlarni, ka Yahza ka vəi ɓəlarni,

⁷⁹ka Kedemoth ka vəi ɓəlarni, ka Mefaath ka vəi ɓəlarni.

⁸⁰Tsuwa akwa bwar mjir nyarmbwar Gad, mdə ku hamta ala ɗa Ramoth Gileyad ka vəi ɓəlarni, ka Mahanayim ka vəi ɓəlarni,

⁸¹ka Heshbon ka vəi ɓəlarni, ka Yazer ka vəi ɓəlarni.