Read bura-pabir 1 Labar Na Waci 7 Bible Online

1 Labar Na Waci 7 - bura-pabir bible

1 Labar Na Waci 7

¹Maɗashilər Issakar an, Tola, ka Puwa, ka Yashub, ka tsuwa Shimron, da nfwar.

²Maɗashilər Tola an, Uzzi, ka Refaiya, ka Yeriyel, ka Yahmai, ka Ibsam, ka Samiwal. Shanga ɗa mji ol'ola akwa kutakəyayeri ar kəkar ɗa Tola, tsuwa da an sojayeri na ku mula akwa mpa. Akwa sakar kuthlikur Dauda, hangkurər mji shili na akwa nyarmbwar ɗa ku mwantə mji shili dəpu sərkumari ka suɗa ka aru ngkwa.

³Ɓzər Uzzi an, Izrahiya. Maɗashilər Izrahiya an, Mikayel, ka Obadiya, ka Yowel, ka Isshiya. Shanga ɗa ntəfu ni da kuthli.

⁴Atar labar ar nyarmbwar ɗa, da ka mji shili dəpu makkumari ka ngkwa na ata mzhi ləkwa mpa, kamnyar da ka mwanki ka maɗangkyar hang.

⁵Apatə mdə rəbuta akwa kakaɗər labar ar nyarmbwar Issakar, da ka mji shili dəpu nciskumari ka murfa na ku mzhi ləkwa mpa.

⁶Maɗashilər Benjamin an, Bela, ka Beker, ka Yediyayel, da makər.

⁷Maɗashilər Bela an, Ezbon, ka Uzzi, ka Uzziyel, ka Yerimoth, ka Iri, shanga ɗa ntəfu ni da mji ol'ola akwa kutakəyayeri arɗa. Apatə mdə rəbuta akwa kakaɗər nyarmbwar ɗa, da ka mji shili dəpu sərkumari ka suɗa ka makkumari ka nfwar, na ata mzhi ləkwa mpa.

⁸Maɗashilər Beker an, Zemira, ka Yowash, ka Eliyezer, ka Eliyoyenai, ka Omri, ka Yeremoth, ka Abija, ka Anathloth, ka Alemeth. Shanga ɗa maɗashilər Beker.

⁹Apatə mdə rəbuta akwa kakaɗər labar ar nyarmbwar ɗa, da ka mji na ol'olər kutakəyayeri, ka tsuwa mji shili na ku mzhi ləkwa mpa dəpu sərkumari ka aru suɗa.

¹⁰Ɓzər Yediyayel an, Bilhan. Maɗashilər Bilhan an, Yewush, ka Benjamin, ka Ehud, ka Kenaana, ka Zethlan, ka Tarshish, ka Ahishahar.

¹¹Shanga maɗa' Yediyayel ngəni an mji ol'olər kutakəyayeri ar kəkar ɗa. Tsuwa da ka mji shili dəpu kumnya murfa ka aru suɗa, na ku mzhi ləkwa mpa.

¹²Maɗashili na kəkar Iri an, Shuppim ka Huppim. Tsuwa mjir kutakəyir Hushim an kəkayeri ar Aher.

¹³Maɗashilər Naftali an, Yahziyel, ka Guni, ka Yezer, ka Shillem. Shanga ɗa an kəkar Bilha na mwala' Yakub.

¹⁴Maɗashili na kəkar Manasse an, Asriyel, natə mwala na ngkwar di Siriya ni an yaɓəla. Tsuwa mwala ni an yaɓəla Makir na yaɓəla Gileyad.

¹⁵Antə Makir ku kətə mwala aka Huppim ka aka Shuppim. Thləma ngkwarma' Makir an Maaka. Tsuwa kəkar Manasse damwa aɗi na ka thləmari Zelofehad, natə maɗa'ni an maɗangkwi daci.

¹⁶Antə Maaka na mwala' Makir ku yaɓəla maɗashili suɗa. Pal thləmari Peresh, thləma ɓzərma'ni tsuwa an Sheresh. Antə Sheresh tsuwa ka maɗashili suɗa natə thləma ɗa an Ulam ka Rakem.

¹⁷Ɓzər Ulam an, Bedan. Shanga mji nayeri ni an kəkar Gileyad na ɓzər Makir, na ɓzər Manasse.

¹⁸Antə ngkwarma' Makir na ka thləmari Hammoleketh ku yaɓəla Ishhod, ka Abiyezer, ka Mahla.

¹⁹Maɗashilər Shemida an, Ahiyan, ka Shekem, ka Likhi, ka Aniyam.

²⁰Maɗashili na kəkar Ifrayim an, Shuthlela, ka Bered, ka Tahath, ka Eleyada, ka Tahath,

²¹ka Zabad, ka Shuthlela. Ifrayim ka maɗashili damwa natə thləma ɗa an Ezer ka Eleyad. Amma sakatə da ləghəi ahar Gath akwa bara həl mwaɓiyir mjir Gath, antə mjir Gath ni tsi ɗa.

²²Antə Ifrayim na baba' ɗa ku hara vir hang akwa tuwa ɗa. Antə mji na yangkurayerari ku si ka da shiktə ni.

²³Aghəla nda antə Ifrayim ku jaktə ləmbwa adzə mwalankiɗa, antə mwala ni ku kətə hur ka yaɓəla ɓzər sal. Antə Ifrayim vəta alari thləm Beriya, kamnyar tə asar ku ləkwa kutakəyirni.

²⁴Tsuwa ngkwar Ifrayim aɗi na ka thləmari Sheyera. Tsa an hənɓəla di Beth Horon na amta ka na aghəi, ka hənɓəla Uzzen Sheyera tsuwa.

²⁵Ifrayim ka ɓzərni laga ka thləmari Refa. Antə maɗashili na kəkar Refa an Reshef, ka Tela, ka Tahan,

²⁶ka Ladan, ka Ammihud, ka Elishama,

²⁷ka Nun, ka Joshuwa.

²⁸Diyayeri natə kəkayeri ar Ifrayim dlutsə ka ndzəndzi akwa an Bethlel ka diyayeri na kalaktə ni, ka Naaran na abwar raghəi, ka Gezer na abwar ramta ka diyayeri na kalaktə ni, ka Shekem ka diyayeri na kalaktə ni, har ka pudza aka Ayya ka diyayeri na kalaktə ni.

²⁹Tsuwa aɓəla ata kəla tsəɗi Manasse an Beth Shan ka diyayeri na kalaktə ni, ka Taanak ka diyayeri na kalaktə ni, ka Megiddo ka diyayeri na kalaktə ni, ka Dor ka diyayeri na kalaktə ni. Shanga diyayeri ngəni kəkayeri ar Yusuf na ɓzər Israila ku ndzəndzi akwa.

³⁰Maɗashilər Asher an, Imna, ka Ishva, ka Ishvi, ka Beriya. Tsuwa ngkwarma' ɗa an Sera.

³¹Maɗashilər Beriya an, Heber, ka Malkiyel na baba' Birzayith.

³²Heber an yaɓəla Yaflet, ka Shomer, ka Hothlam, ka ngkwarma' ɗa Shuwa.

³³Maɗashilər Yaflet an, Pasak, ka Bimhal, ka Ashvath. Antə nayeri shang an maɗa' Yaflet.

³⁴Maɗashilər Shemer an, Ahi, ka Roga, ka Hubba, ka Aram.

³⁵Maɗashilər Helem na ɓzərma'ni an, Zofa, ka Imna, ka Shelesh, ka Amal.

³⁶Maɗashilər Zofa an, Səwa, ka Harnefer, ka Shuwal, ka Beri, ka Imra,

³⁷ka Bezer, ka Hod, ka Shamma, ka Shilsha, ka Ithran, ka Beyera.

³⁸Maɗashilər Yethler an, Yefunne, ka Pispa, ka Ara.

³⁹Maɗashilər Ulla an, Ara, ka Hanniyel, ka Riziya.

⁴⁰Shanga mji ngəni an kəkayeri ar Asher. Da ku ndzi mji ol'olər kutakəyayeri ar kəkar ɗa, mji ol'ola na carcara ka səli, katsalayeri na masəku akwa mpa. Apatə mdə rəbuta akwa kakaɗər nyarmbwar kəkar ɗa, da ka mji shili dəpu sərkumari ka ngkwa na ata mzhi ləkwa mpa.