Read bura-pabir 1 Labar Na Waci 9 Bible Online

1 Labar Na Waci 9 - bura-pabir bible

1 Labar Na Waci 9

¹Mdə ku rəbwamta thləma shanga mjir Israila atar nyarmbwayeri arɗa akwa Kakaɗər Kuthlyayeri ar Israila. Mdə ku fatə mjir Yahuda ka mwantə ɗa akwa mafakur ahar Babila, kamnyar da aɗi ndzi ka jirkur aka Hyel wa.

²Antə mji na ntangkəmar ngka ka jaktə ndzəndzi akwa vəi ndzəndziyir ɗa na hwatu akwa diyayeri arɗa an mjir Israila, ka pristayeri, ka mjir Lawi, ka mjir kəthlər akwa mbwar vəngkər səli.

³Tsuwa mji laga aɗi akwa nyarmbwar Yahuda ka ar Benjamin, ka ar Ifrayim, ka nyarmbwar Manasse na ndzəndzi akwa Urushalima. Antə da an,

⁴Uthlai na ɓzər Ammihud, na ɓzər Omri, na ɓzər Imri, na ɓzər Bani. Bani an pal akwa nca kəkayeri ar Perez na ɓzər Yahuda.

⁵Akwa nca mjir kutakəyir Shilo na ngka an, Asaiya ka maɗa'ni. Asaiya an yarakəma avəyar ɗa.

⁶Akwa nca mjir kutakəyir Zera na ngka an, Yewuyel ka yangkurayerari. Shanga ɗa an aru ngkwa ka əmdləkumari.

⁷Akwa nca mjir nyarmbwar Benjamin na ngka an, Sallu na ɓzər Meshullam, na ɓzər Hodaviya, na ɓzər Hassenuwa,

⁸ka Ibneya na ɓzər Yeroham, ka Ela na ɓzər Uzzi, na ɓzər Mikri, ka Meshullam na ɓzər Shefatiya, na kəkar Reyuwel, na ɓzər Ibneya.

⁹Atar labar ar nyarmbwar ɗa, mjir Benjamin ku mwantə aru əmdla ka ntəfkumari ka ngkwa. Tsuwa shanga mji ngəni an mji na ol'ola akwa kutakəyayeri arɗa.

¹⁰Akwa nca pristayeri na ngka an, Yedaiya, ka Yehoyarib, ka Yakin,

¹¹ka Azariya na ɓzər Hilkiya, na kəkar Meshullam, na ɓzər Zadok, na ɓzər Meraiyoth, na ɓzər Ahitub na ndzi ola akwa nca mjir kəthlər akwa mbwar Hyel.

¹²Pristayeri damwa na ku ngka an Adaiya na ɓzər Yeroham, na ɓzər Pashhur, na ɓzər Malkiya, ka Maasai na ɓzər Adiyel, na ɓzər Yahzera, na ɓzər Meshullam, na ɓzər Meshillemith, na ɓzər Immer.

¹³Hangkur Pristayeri na ol'ola akwa kutakəyir kəkayeri arɗa ku mwantə mji dəpu pal ka aru murfa ka ngkwakumari. Tsuwa shanga ɗa asəndə kəthlər na akwa mbwar Hyel ni swaiswai.

¹⁴Akwa nca mjir nyarmbwar Lawi na ngka an, Shemaiya na ɓzər Hasshub, na kəkar Azrikam, na akwa kutakəyir Hashabiya, na akwa mjir Merari.

¹⁵Mji damwa na aɗi an Bakbakkar, ka Heresh, ka Galal, ka Mattaniya na ɓzər Mika, na kəkar Zikri, na akwa kutakəyir Asaf.

¹⁶Mji damwa na aɗi an Obadiya na ɓzər Shemaiya, na kəkar Galal, na akwa kutakəyir Yeduthlun, ka Berekiya na ɓzər Asa, na kəkar Elkana, na ndzi akwa diyayeri ar mjir Netofa.

¹⁷Akwa nca mjir sək nyarfu na ngka ni an, Shallum, ka Akkub, ka Talmon, ka Ahiman, kəga yangkura ɗa. Shallum an olər ɗa.

¹⁸Da an mji na ana thləthlata akwa Nyarfur Kuthli na abwar raghəi ka mbwar Hyel ni har ba ashina. Waci da an mjir sək nyarfur vəi fəliyir mjir Lawi.

¹⁹Shallum na ɓzər Kore, na kəkar Ebiyasaf, na akwa kutakəyir mjir Kora, ata kəma duku kəga yangkurayerari na akwa durər Kora, an mjir sək nyarfur ləvəi akwa mbwar Hyel ni, tsu apatə kəkayeri arɗa ku hara aka Tentər Kəɓa ka MTHLAKU.

²⁰Akwa saka na təramta Finehas na ɓzər Eleyazar an olər mjir sək nyarfu ni, antə MTHLAKU ku ndzi adzə ni.

²¹Zakariya na ɓzər Meshelemiya an mdər sək nyarfur ləvəi akwa Tentər Kəɓa.

²²Hangkur shanga mji tə mdə carɓəla abbər ka da ndzi mjir sək nyarfu ni an mji aru suɗa ka kumnya suɗa. Antə mdə ku rəbutə thləma ɗa ata nyarmbwa ata nyarmbwa, akwa diyayeri arɗa. Dauda ka Samiwal na mdər wulsu an pwi kəkayeri arɗa ka da hara kəthlər ngəni ni ka jirkur.

²³Antə apani da kəga yangkura ɗa an mjir sək nyarfur mbwar MTHLAKU ni, mbwa tə mda ana kəga abbər tent ni.

²⁴Mjir sək nyarfu ni ku ndəkəidzi ka thləthlata akwa shanga kuɗəma nfwar ar mbwa ni, abwar raghəi, ka abwar ramta, ka abwar yala, ka abwar anəm.

²⁵Maɗama' ɗa na akwa diyayeri na kalaktə bərni ni ana sə palɓəla ɗa akwa kəthlər, da ana hara vir murfa kambəla mji damwa si ka palɓəla ɗa.

²⁶Mji nfwar na akwa nca mjir sək nyarfu ni an mjir Lawi, antə da an ata kəra wul kutambwayeri kəga kari na akwa mbwar Hyel ni.

²⁷Da ana kalaktə mbwar Hyel akwa sək kərari har ka vir kura, kamnyar kəthlərər ɗa an ka da wul kərari. Antə da ana kəlar mbwa ni kəlara ɗəɗəpa.

²⁸Mjir Lawi laga andər wul kari natə mda ana hara kəthlər kəgari akwa sakar vəngkər səli. Da ana jikatə suayeri ni sakatə mdə ku fwaɓəla ɗa, ka tsuwa sakatə mdə ku ngka ka da kamnyar pwi ɗa.

²⁹Tsuwa mdə ku pwi mji laga kamnyar wul kariyayeri ar kutambwa, ka shanga mambila kari na akwa Vəi na Ɓɗakkarkara, kəga mpwa, kəga yimər anap, kəga mal, kəga tulari ɗuza, kəga yaji.

³⁰Amma pristayeri andər gwartə yaji ni.

³¹Antə pal akwa nca mjir Lawi na ka thləmari Mattithliya, na yarakəmar Shallum, na mdər Kora ni, an mdə tə mdə vu kəthlər ɓwa buradi ar saɗaka akwa tsiyari.

³²Tsuwa mdə hamta kəthlər ar ɗəmhə buradi natə mda ana pwi tədəku Vir Ghərəmtaghəra ni akwa tsiya mji laga na yangkura Kohath.

³³Mji na ol'olər kutakəyir mjir Lawi natə da an mjir hara ha ni, ana ndzi akwa mbwayeri na kalaktə mbwar Hyel ni tsuwa. Antə mda aɗi na ala ɗa kəthlər damwa wa, kamnyar da ana hara kəthlərər ɗa pci ka viri.

³⁴Shanga mji nayeri ni, da an mji na ol'olər kutakəyayeri ar mjir Lawi. Da an mji ol'ola akwa nyarmbwayeri arɗa, antə da ka ndzi akwa Urushalima.

³⁵Yeyiyel an nthlə di Gibeyon ka ndzəndzi akwa Gibeyon ni. Thləma mwalankiɗa an Maaka.

³⁶Thləma yarakəmarni na ɓzər sal an Abdon. Na ata nu ni an Zur, ka Kish, ka Baal, ka Ner, ka Nadab,

³⁷ka Gedor, ka Ahiyo, ka Zakariya, ka Mikloth.

³⁸Antə Mikloth yaɓəla Shimeyam. Antə shanga mjir nyarmbwa ngəni ku ndzi adzə yangkura ɗa akwa Urushalima.

³⁹Antə Ner ku yaɓəla Kish, antə Kish yaɓəla Shawulu. Antə Shawulu yaɓəla Jonathlan, ka Malkishuwa, ka Abinadab, ka Eshbaal.

⁴⁰Antə Jonathlan yaɓəla Meribbaal, antə Meribbaal yaɓəla Mika.

⁴¹Antə maɗashilər Mika an, Pithlon, ka Melek, ka Tahreya, ka Ahaz.

⁴²Antə Ahaz yaɓəla Yara, antə Yara yaɓəla Alemeth, ka Azmaveth, ka Zimri. Antə Zimri yaɓəla Moza,

⁴³antə Moza yaɓəla Bineya, antə Bineya yaɓəla Refaiya, antə Refaiya yaɓəla Eleyasa, antə Eleyasa yaɓəla Azel.

⁴⁴Antə Azel ku yaɓəla maɗashili ngkwa, tsuwa thləma ɗa an, Azrikam, ka Bokeru, ka Ishmayel, ka Sheyariya, ka Obadiya, ka Hanan. Shanga ɗa an maɗa' Azel.