Read bura-pabir Neh 10 Bible Online

Neh 10 - bura-pabir bible

Neh 10

¹Nggədza thləma mji na vu tsiya ɗa akwa kakaɗər alkawal tə mdə hartə ka dləɓtə ni. Nehemiya na gwamna na ɓzər Hakaliya, ka Zedekiya.

²Nggədza thləma pristayeri na vu tsiya ɗa akwa kakaɗə ni. Seraiya, ka Azariya, ka Irmiya,

³ka Pashhur, ka Amaliya, ka Malkiya,

⁴ka Hattush, ka Shebaniya, ka Malluk,

⁵ka Harim, ka Meremoth, ka Obadiya,

⁶ka Daniyel, ka Ginnethlon, ka Baruk,

⁷ka Meshullam, ka Abija, ka Mijamin,

⁸ka Maaziya, ka Bilgai, ka Shemaiya,

⁹Nggədza thləma mjir Lawi na vu tsiya ɗa akwa kakaɗə ni. Yeshuwa na ɓzər Azaniya, ka Binnuwi na ɓzər Henadad, ka Kadmiyel,

¹⁰ka maɗama' ɗa Shebaniya, ka Hodiya, ka Kelita, ka Pelaiya, ka Hanan,

¹¹ka Mika, ka Rehob, ka Hashabiya,

¹²ka Zakkur, ka Sherebiya, ka Shebaniya,

¹³ka Hodiya, ka Bani, ka Beninu.

¹⁴Nggədza thləma mji na ol'ola na ku vu tsiya ɗa akwa kakaɗə ni. Parosh, ka Pahath Mowab, ka Elam, ka Zattu, ka Bani,

¹⁵ka Bunni, ka Azgad, ka Bebai,

¹⁶ka Adonija, ka Bigvai, ka Adin,

¹⁷ka Ater, ka Hezekiya, ka Azzur,

¹⁸ka Hodiya, ka Hashum, ka Bezai,

¹⁹ka Harif, ka Anathloth, ka Nebai,

²⁰ka Magpiyash, ka Meshullam, ka Hezir,

²¹ka Meshezabel, ka Zadok, ka Yadduwa,

²²ka Pelatiya, ka Hanan, ka Anaiya,

²³ka Hosheya, ka Hananiya, ka Hasshub,

²⁴ka Hallohesh, ka Pilha, ka Shobek,

²⁵ka Rehum, ka Hashabna, ka Maaseya,

²⁶ka Ahiya, ka Hanan, ka Anan,

²⁷ka Malluk, ka Harim, ka Baana.

²⁸Antə mambila mji, na paktə ka pristayeri, ka mjir Lawi, ka mjir sək nyarfu, ka mjir ha, ka mjir kəthlər akwa mbwar vəngkər səli, ka shanga mji na ku ndəkəmta kərɗa ka mjir tsəɗi ni kamnyar ɓəla tsawur Hyel, kəga mwankir ɗa, kəga maɗa' ɗa shili ka mwanki, ka shanga mji na ata mzhi səndə su ka nggaɓəla su,

²⁹ku paktə kər kəga maɗama' ɗa, ka mji na ol'olər ɗa, ka kahyel abbər ka Hyel shuwumta ɗa ma da ku ɓəli tsawur Hyel tə tsa hamta aka mafarni Musa, ma da aɗi kələngkər ka ɓəlatə shanga tsawayeri tə MTHLAKU na mthlakər mburu hamta wa. Da pəla,

³⁰“Yeru aɗi ata hamta maɗangkwiyir yeru aka mjir tsəɗi ni wa, wala kəl maɗangkwiyir ɗa aka maɗashilər yeru wa.

³¹Ma mjir tsəɗi ku səntə kari fəli wala mthli Vir Ghərəmtaghəra wala Vir Ghərəmtaghəra laga na ɓɗakkarkara, yeru aɗi ata masari akəla ɗa vir nda wa. Akwa kəlara məva na murfəkur yeru aɗi ata kəthlər fakayeri ar yeru wa, tsuwa yeru ata yafitə kəlara təmbələr yeru na akəla mji.

³²Tsuwa yeru ku kətə alkawal abbər tədək məva yeru ata hamta bwa makər ar shekel kamnyar hara kəthlər akwa mbwar Hyelər yeru.

³³Kwaba ngəni an kamnyar mastə Buradi natə mda ana Hamta aka Hyel, ka mthlir saɗaka tə mda ana hamta tədəku, ka saɗaka mbamba na tədək viri, ka saɗakar Virayeri ar Ghərəmtaghəra na akwa Sati, ka Kucali ar Thliya Bilən, ka virayeri ar kucali tə mdə thlamta, ka saɗakayeri na ɓɗakkarkara, ka saɗakar kələmta watsəɓər biku ar mjir Israila, ka tsuwa shanga mambila kəthlərayeri na akwa mbwar vəngkər səli aka Hyelər yeru.

³⁴Tsuwa yeru na pristayeri, ka mjir Lawi, ka mambila mji shang ku ndzəhə kuriya kamnyar nggaɓəla sakatə kəlara nyarmbwa ata səntə udzəmər hamta saɗaka mbamba akwa mbwar Hyelər yeru akwa kuta məva, apatə mdə ku rəbuta akwa tsawa.

³⁵Tsuwa yeru ku kətə alkawal abbər yeru ata səntə yarakəmar sur fakər yeru, ka yarakəmar shanga nfur səma, akwa mbwar MTHLAKU tədək məva.

³⁶Tsuwa yeru ata səntə maɗashili na yarakəmar yeru, ka ar mwaɓiyir yeru, ka thla, kəga kwi kəga təma, aka pristayeri na akwa kəthlər akwa mbwar Hyelər yeru.

³⁷Yeru ata pwi shanga yarakəmar sur fakər yeru akwa mbwayeri ar pwi su na akwa mbwar Hyelər yeru. Yeru ata səntə yarakəmar mthli, ka saɗakayeri ar kəlara nfur səma, ka yimər anap, ka mal zaitun, ka shanga cautayeri ar yeru, aka pristayeri na akwa mbwar Hyelər yeru. Yeru ata səntə zaka ar sur fakər yeru aka mjir Lawi na ana dlu zaka akwa shanga diyayeri ar yeru.

³⁸Pal akwa nca pristayeri na akwa nyarmbwar Haruna ata ndzi adzə mjir Lawi akwa kəlara sakatə mjir Lawi ni akwa dlu zaka ni. Antə mjir Lawi ni ata səntə zaka akwa kuta zakayeri akwa mbwar pwi su na akwa mbwar Hyelər yeru.

³⁹Mjir Israila kəga mjir Lawi ata səntə sur hamta ar mthli, ka yimər anap, ka mal zaitun, akwa mbwayeri ar pwi su. Anda antə mda ana pwi kari kəthlər akwa Vəi na Ɓɗakkarkara ni, kudzəhə ka vəi tə pristayeri na akwa kəthlər akwa mbwar vəngkər səli, ka mjir sək nyarfu, ka mjir hara ha, ana ndzəndzi. Tsuwa yeru aɗi ata nggəlar wul mbwar Hyelər yeru wa.”