Read bura-pabir Neh 12 Bible Online

Neh 12 - bura-pabir bible

Neh 12

¹Nggədza thləma pristayeri ka mjir Lawi na ol'ola na thlata akwa tsəɗiyir mafakur ka ngka ata kəma duku ka Zerubbabel na ɓzər Sheyaltiyel, ka Yeshuwa. Akwa nca pristayeri ni, an Seraiya, ka Irmiya, ka Ezra,

²ka Amaliya, ka Malluk, ka Hattush,

³ka Shekaniya, ka Rehum, ka Meremoth,

⁴ka Iddo, ka Ginnethloyi, ka Abija,

⁵ka Miyamin, ka Maadiya, ka Bilga,

⁶ka Shemaiya, ka Yoyarib, ka Yedaiya,

⁷ka Sallu, ka Amok, ka Hilkiya, ka Yedaiya. Mji ngəni an mji ol'olər pristayeri kəga maɗama' ɗa akwa zamanər Yeshuwa.

⁸Akwa nca mjir Lawi, an Yeshuwa, ka Binnuwi, ka Kadmiyel, ka Sherebiya, ka Yahuda, ka Mattaniya natə tsa kəga maɗama'ni an mjir pwara akwa hara ha ar usar Hyel.

⁹Antə Bakbukiya, ka Unni, kəga maɗama'ni na mjir Lawi ana thləthlata awul ɗa kamnyar dlu ha akwa sakar vəngkər səli.

¹⁰Antə Yeshuwa ku yaɓəla Yoyiyakim, antə Yoyiyakim ku yaɓəla Eliyashib, antə Eliyashib ku yaɓəla Yehoyada,

¹¹antə Yehoyada ku yaɓəla Yonathlan, antə Jonathlan ku yaɓəla Yadduwa.

¹²Akwa zamanər Yoyiyakim, pristayeri aɗi na ol'ola akwa nyarmbwar ɗa, ka thləma ɗa apani. Meraiya an olər nyarmbwar Seraiya, Hananiya an olər nyarmbwar Irmiya.

¹³Meshullam an olər nyarmbwar Ezra, Yehohanan an olər nyarmbwar Amaliya.

¹⁴Jonathlan an olər nyarmbwar Malluk, Yusuf an olər nyarmbwar Shebaniya.

¹⁵Adna an olər nyarmbwar Harim. Helkai an olər nyarmbwar Meraiyoth,

¹⁶Zakariya an olər nyarmbwar Iddo, Meshullam an olər nyarmbwar Ginnethlon.

¹⁷Zikri an olər nyarmbwar Abija. Tsuwa mda aɗi na olər nyarmbwar Miniyamin Pittai an olər nyarmbwar Mowadiya.

¹⁸Shammuwa an olər nyarmbwar Bilga. Yehonathlan an olər nyarmbwar Shemaiya.

¹⁹Mattenai an olər nyarmbwar Yoyarib. Uzzi an olər nyarmbwar Yedaiya.

²⁰Kallai an olər nyarmbwar Sallai, Eber an olər nyarmbwar Amok.

²¹Hashabiya an olər nyarmbwar Hilkiya, Nethlanel an olər nyarmbwar Yedaiya.

²²Akwa zaman tə Dariyus an kuthlir Parsiya, antə mdə rəbutə thləma mji na ol'ola akwa nyarmbwar pristayeri na akwa zamanər Eliyashib, ka Yehoyada, ka Yahwanan, ka tsuwa Yadduwa.

²³Tsuwa mdə ku rəbutə thləma mji na ol'ola akwa nyarmbwar mjir Lawi akwa kakaɗu akwa zaman nda har ka mwanta aka sakar Yahwanan na ɓzər Eliyashib.

²⁴Nggədza thləma mji ol'ola na akwa nyarmbwar mjir Lawi. Da an Hashabiya, ka Sherebiya, ka Yeshuwa na ɓzər Kadmiyel. Maɗama' ɗa ana thləthlata ata vəi tə kəma ɗa ata wuldzi ka da, kamnyar hara har huwa ka ar usar Hyel, bwa pal akwa psə ha, bwa na pal akwa dluwari, apatə Dauda na mdər Hyel ku tsawa.

²⁵Nggədza thləma mji na ana sək nyarfur vəngkər səli ka mbwayeri na ar pwi su. Da an Mattaniya, ka Bakbukiya, ka Obadiya, ka Meshullam, ka Talmon, ka Akkub.

²⁶Mji ngəni an mji na kəthlər akwa zamanər Yoyiyakim na ɓzər Yeshuwa, na ɓzər Yozadak, akwa sakatə Nehemiya an gwamna, sakatə Ezra an mdər rəbutə ka prist tsuwa.

²⁷Akwa sakatə mda akwa hamta katanggar Urushalima aka Hyel ni, antə mdə pakɓəla shanga vəyayeri tə mjir Lawi ni akwa, ka səntə ɗa ahar Urushalima, kamnyar ka mdə hara kucalər hamta katangga ni ka ɗəffu mwapu, atar hara ha ar usar Hyel ka tsa liyar ɓu tsi, ka guləm, ka yakandi.

²⁸Tsuwa mdə ku səntə mjir ha na akwa diyayeri na kalaktə Urushalima, ka na akwa diyayeri ar mjir Netofa,

²⁹ka tsuwa ahar Beth Gilgal, ka na akwa bwar Geba ka Azmaveth, kamnyar tə mjir hara ha ni ku nthləi diyayeri arɗa na ku kalaktə Urushalima.

³⁰Antə Pristayeri ka mjir Lawi ni ku kəcimta kərɗa, ka kəcimta mambila mji, ka nyarfayeri ka katangga ni.

³¹Antə I vu tə mji na ol'olər Yahuda ni lətə kəra katangga ni, ka vu tə zarayeri na ol'ola suɗa ar mjir hara har usar Hyel ni, mwa ata katangga ni. Zara na pal nu bwa mazəm ata kəra katangga ni, har ka mwanta adzə Nyarfur Kumba.

³²Antə Hoshaiya ka retar mji na ol'olər Yahuda ni nutə ghəla mjir hara ha ni.

³³Antə Azariya, ka Ezra, ka Meshullam,

³⁴ka Yahuda, ka Benjamin, ka Shemaiya, ka Irmiya, ku nutə ghəla ɗa tsuwa.

³⁵Antə pristayeri laga na ana mbur təmbəl ku nutə ɗa, ata kəma duku ka Zakariya na ɓzər Jonathlan, na ɓzər Shemaiya, na ɓzər Mattaniya, na ɓzər Mikaiya, na ɓzər Zakkur, na ɓzər Asaf.

³⁶Tsuwa maɗama' Zakariya na nu mji ndaga an Shemaiya, ka Azarel, ka Milalai, ka Gilalai, ka Maai, ka Nethlanel, ka Yahuda, ka Hanani. Waskəi ka sur tsa akəlari, jili natə Dauda na mdər Hyel thlamta abbər ka mdə kəthlər kəgari ni. Antə Ezra na mdər rəbuta an akwa mwa akəma ɗa.

³⁷Da baɗita adzə Nyarfur Kucira Yimi ka mwari tsək ka vəi ndləɓəla ka ləkwa Bərniyir Dauda, bwa na nal ta shang ar katangga ni, ka təramta kəyir Dauda, har ka mwari akwa Nyarfur Yimi na təbwar raghəi ka bərni ni.

³⁸Zara na suɗkur ar mjir hara har usar Hyel ni tsuwa ku nu bwa matsəkar ata kəra katangga ni. Antə I ka retar mji ni ku nu ghəla ɗa, ata kəra katangga ni, ka təramta Hən na Nal ar Lindər Ɓwa Buradi, har ka mwanta adzə Katangga na Bau.

³⁹Baɗita anda tsuwa antə yeru təramta Nyarfur Ifrayim, ka təra adzə Nyarfu na Halhalari ni, ka təra adzə Nyarfur Kəlfa, ka Hən na Nal ar Hananel, ka Hən na Nal ar Aru, har ka mwanta adzə Nyarfur Təma. Sakatə Yeru ku mzhitə Nyarfur Səka antə yeru thləthlata.

⁴⁰Apani antə zara na suɗkur ar mjir hara har usar Hyel ni ku mwari ka thləthlata akwa vəi ndzəndziyir ɗa na akwa mbwar Hyel ni, tsuwa apani antə I ka retar mji na ol'ol ni ku hara.

⁴¹Akwa nca pristayeri na mjir mbur təmbəl na adzə yeru ni an Eliyakim, ka Maaseya, ka Miniyamin, ka Mikaiya, ka Eliyoyenai, ka Zakariya, ka Hananiya,

⁴²ka Maaseya, ka Shemaiya, ka Eleyazar, ka Uzzi, ka Yehohanan, ka Malkiya, ka Elam, ka Ezer. Yezrahiya an olər mjir ha ngəni antə da ku hara ha ni ka kuraku na ola.

⁴³Antə vir nda da ku hamta saɗakayeri hang ka hara kucali, kamnyar vir nda Hyel ku kəskəra ɗa ka duna. Antə mwanki kəga maɗangkyar ku hara kucali tsuwa. Antə har mdə ku nggatə kurakər kucali ar mjir Urushalima ni akwa vəi na ciju.

⁴⁴Tsuwa vir nda mdə ku carɓəla mji na ata sək kəra mbwar pwi cautayeri, ka yarakəmar sur fakəu, ka zakayeri. Da an ata tsaptə sur fakəu na akwa fakayeri na kalaktə diyayeri, kalkal apatə tsawa ku thlamta ka mdə sənta aka pristayeri ka mjir Lawi ni. Kamnyar mdə ku tsaptə shanga zakayeri tə mdə wuta akwa fakayeri na ata hildiyayeri tə mda akwa səntari. Mji ata dingngga səntə bwar kari fakər ɗa na ata mwari aka pristayeri ka mjir Lawi apatə tsawa ku thlamta. Kamnyar shanga mjir Yahuda ku nggatə msərakur kəthlər tə pristayeri kəga mjir Lawi ku hara.

⁴⁵Kamnyar tə da ku hara shanga suayeri ar vəngkər səli aka Hyelər ɗa, ka suayeri tə mda ana hara kamnyar kəcimta biku, kalkal apatə Kuthli Dauda ka ɓzərni Solaman ku tsawa. Tsuwa tsu apani antə mjir hara ha ka mjir sək nyarfur mbwar vəngkər səli ku hara.

⁴⁶Kamnyar təng waci akwa zamanər Dauda ka Asaf, olər mjir hara ha aɗi, tsuwa hayeri ar huwa ka ar usar Hyel aɗi.

⁴⁷Apani akwa zamanər Zerubbabel ka zamanər Nehemiya, shanga mjir Israila ku hamta susəma tə mdə thlamta abbər ka mdə na aka mjir hara ha ka mjir sək nyarfur mbwar vəngkər səli tədək viri. Tsuwa da ku pwi bwar mjir Lawi, antə mjir Lawi tsuwa ku pwi bwar mjir nyarmbwar Haruna, watau pristayeri.